Каспийде бір күнде төрт адам суға кетіп, мерт болды

5 тамыз күні кешке қарай Каспийде екі қайғылы оқиға тіркелді. Құрық ауылында үш жасөспірім және Кендірлі ауданында 28 жастағы ер адам суға батып кетті деп хабарлайды ҚазАқпарат.

Құтқарушылардың айтуынша, 5 тамызда сағат 18:15-те Құрық ауылында 2002 жылы туған екі қыз бен 2003 жылы туған жігіт суға кеткен.

Қазір олардың денелерін іздестіруге 10 құтқарушы мен екі қайық жұмылдырылған.

Сонымен қатар, Кендірлідегі «Самал» демалыс орталығында тағы бір қайғылы оқиға болды. Онда 1991 жылы туған азаматтың денесін туыстары судан шығарып алған.