Заңсыз қару-жарақ саудалаған шетел азаматтары тұтқындалды
Опубликовано:
Қазақстанның екі қаласында заңсыз қару-жарақ саудасымен айналысқан бірнеше шетел азаматы еліміздің күштік құрылым қызметкерлерімен тұтқындалды, деп хабарлайды ҚР ҰҚК баспасөз қызметіне сілтеме жасаған KAZ.NUR.KZ.
![Тәркіленген қару-жарақ. Фото: ҚР ҰҚК баспасөз қызметі Тәркіленген қару-жарақ. Фото: ҚР ҰҚК баспасөз қызметі](https://cdn.nur.kz/images/1120/69c466e5bb99ef2c.jpeg)
Ведомствоның баспасөз қызметі хабарлағандай, Жамбыл облысы бойынша ҰҚК департаменті атыс қаруы мен оқ-дәріні заңсыз саудалаған топтың әрекетін әшкереледі. Белгілі болғандай, бұл топ шетел азаматтарынан құралған.
25 шілдеде Алматы мен Павлодарда жүргізілген арнайы операция барысында күштік құрылым қызметкерлері заңсыз айналымнан 7 "Калашников" автоматын, 2 "Макаров" тапаншасын, сондай-ақ түрлі калибрдегі оқ-дәрілерді тәркілеген.
Тұтқындалған азаматтар Таразға жеткізілді. Аталған факт бойынша сотқа дейінгі тергеу амалдары жүргізілуде.
Мақаланың түпнұсқасы: https://kaz.nur.kz/society/1809758-zasyz-karu-zarak-saudalagan-setel-azamattary-ttkyndaldy/