Тұрғымбаевпен жолыққан зейнеткер Нұр-Сұлтанға бір чемодан құжатпен келді
Опубликовано:
Бүгін ішкі істер министрі Ерлан Тұрғымбаев Нұр-Сұлтан қаласындағы республикалық Nur Otan партиясында азаматтарды қабылдады. Талдықорған қаласының тұрғыны министрге үлкен чемодан толы құжаттар алып келді деп жазады KAZ.NUR.KZ.
Зейнеткер Наталья Новоселова алаяқтардың құрбаны болып, үлкен мұрадан айырылғанын айтты.
Оның сөзінше, нотариус әйелдің туысымен келісіп, қайтыс болған тәтесінің байлығын бөлісіп алған.
Мұра ретінде екі бөлмелі пәтер мен банктегі шотта сақталған 20 мың доллар ұсынылғаны белгілі болды.
Қабылдау кезінде Тұрғымбаев мәліметтерді нақтылау үшін Алматы облысы полиция департаментінің басшысына бейне қоңырау арқылы байланысқа шықты.
Ол бұл факт бойынша қылмыстық іс прокуратураның келісімімен қылмыстық құрамның болмауына байланысты тоқтатылғанын айтты.
Сондай-ақ, зейнеткер барлық сот кезінде жеңілгенін, тіпті Жоғарғы Сот та одан бас тартқанын жеткізді.
Сот туралы естіген Тұрғымбаев соттың шешімнің күшін жоюға ешқандай өкілеттігі жоқ екенін айтты.
"Сот інісінің мұрагерлік құқығы бар деп шешті. Біз сот шешімінің күшін жоя алмаймыз, менің шешімді жоюға құқығым жоқ.
Егер сот шешімнің күшін жойса, біз барлық материалдарды қайтадан көруге дайынбыз. Сіз прокуратураға жүгінуіңіз керек", - деп кеңес берді министр.
Мақаланың түпнұсқасы: https://kaz.nur.kz/society/1809766-trgymbaevpen-zolykkan-zejnetker-nr-sltanga-bir-sabadan-kzatpen-keldi/
