"Бәрі тыныш": Ішкі істер министрі Жаңаөзендегі жағдайға қатысты пікір білдірді
Опубликовано:
Ішкі істер министрі Ерлан Тұрғымбаев мәжіліс кулуарында Жаңаөзен қаласы тұрғындарының Қазақстанда қытай зауыттарын ашуға байланысты алаңға шығуына қатысты пікір білдірді деп хабарлайды KAZ.NUR.KZ.
![Коллаж KAZ.NUR.KZ. Фото: Видеодан кадрлар және NUR.KZ Коллаж KAZ.NUR.KZ. Фото: Видеодан кадрлар және NUR.KZ](https://cdn.nur.kz/images/1120/1ac0f89d8214e436.jpeg)
Ол Қазақстанда 55 қытай кәсіпорнының ашылуына қарсы болған бір топ адам алаңға шыққанын растады.
"Бүгінде бұл ақпарат жалған және ешқандай кәсіпорын ашылмайды", - дейді Тұрғымбаев.
Соған қарамастан, оның сөзінше, бұл ақпарат желіде желдей тарап жатыр.
"Бұл дұрыс емес ақпарат (оның таралуы-ред) заңсыз. Егер онда (Жаңаөзенде-ред) заңсыз митингілерге шақыру орын алса, ішкі істер органдары митингілердің жолын кеседі. Бүгінде қоғамдық тәртіпті бұзатын (заңбұзушылық-ред) жоқ, бәрі тыныш", - деп түсіндірді ІІМ басшысы.
Айта кетейік, 2 қыркүйек күні және кеше Жаңаөзен тұрғындары алаңға шығып, желіде тараған ақпаратқа, яғни, Қазақстанда 55 қытай зауыты ашылады деген мәліметке наразылық білдірді.
Мақаланың түпнұсқасы: https://kaz.nur.kz/society/1814473-bri-tynys-iski-ister-ministri-zaazendegi-zagdajga-katysty-pikir-bildirdi/