"Жекежайларда тұрған": Жәрдемақы алатын көпбалалы отбасылар мұқият тексерілетін болады

Еңбек және халықты әлеуметтік қорғау министрі Қазақстандағы АӘК алушыларды тексеру жөніндегі аудандық комиссиялардың белсенділігі артатыны туралы мәлімдеді. Жәрдемақы алу үшін жанұялардың үй, жер мен көліктерін жасырған оқиғалар жиі кездеседі деп жазады KAZ.NUR.KZ.

"Бөлімшелік комиссиялардың белсенділігін арттыру керек. АӘК алушылардың жекежайларда тұрып, бірнеше автокөліктері барын, қомақты жер учаскелері мен жеке қосалқы шаруашылықтарын жасырған мысалдар аз емес.

Осындай жағдайларға бөлімшелік комиссиялар жауапты. Сондықтан заң жобасы орталық атқарушы органның учаскелік комиссияларға адамдардың АӘК-ге қажеттілігін анықтау критерийлерін бекіту құзыретін нақтылауды ұсынады", - деді Біржан Нұрымбетов.

Айта кетсек, бұған дейін барлық көпбалалы отбасыларға 42 мың мен 73 мың теңге аралығында жәрдемақы төленетіні хабарланған еді.