Тоқаев Маңғыстаудағы Әбіш Кекілбайұлы атындағы жаңа музейге барды
Опубликовано:
Мемлекет басшысы Ақтау қаласына жұмыс сапары аясында Әбіш Кекілбайұлының аты беріліп, жаңа ғимаратқа көшкен Маңғыстау облыстық тарихи-өлкетану музейінің жұмысымен танысты деп хабарлайды Ақорда.
![Фото: Ақорда Фото: Ақорда](https://cdn.nur.kz/images/1120/876a9b34596adb29.jpeg)
Президент Қасым-Жомарт Тоқаев сәуір айында Маңғыстау облысына жасаған жұмыс сапары кезінде аймақ әкімдігіне музей құрылысын сапалы әрі уақытылы аяқтауды тапсырған болатын. Мемлекет басшысының тапсырмасына сәйкес, Әбіш Кекілбайұлы атындағы Маңғыстау облыстық тарихи-өлкетану музейі заңғар жазушының 80 жылдық мерейтойы шеңберінде пайдалануға берілді.
![Тоқаев Маңғыстаудағы Әбіш Кекілбайұлы атындағы жаңа музейге барды Тоқаев Маңғыстаудағы Әбіш Кекілбайұлы атындағы жаңа музейге барды](https://cdn.nur.kz/images/1120/a4119b3f42ccf186.jpeg)
Жалпы, бұл кешен «Әбіш Кекілбайұлы мәдени орталығы» деп аталады. Онда Маңғыстау облыстық тарихи-өлкетану музейінен бөлек, кітапхана мен облыстық музыкалық-драма театрдың ғимараты да салынады. Кешеннің құрылысы биылғы қаңтар айында басталған. Толық аяқталуы 2020 жылдың желтоқсан айына жоспарланған. Оның жалпы аумағы 10,6 гектар жерді құрайды.
![Фото: Ақорда Фото: Ақорда](https://cdn.nur.kz/images/1120/018f2d83ed2dd83f.jpeg)
Мемлекет басшысы Қасым-Жомарт Тоқаев облыстық музейдің жаңа ғимаратын аралап көрді. Естелік кітапқа тілегін жазып, қолтаңба қалдырды.
![Тоқаев Маңғыстаудағы Әбіш Кекілбайұлы атындағы жаңа музейге барды Тоқаев Маңғыстаудағы Әбіш Кекілбайұлы атындағы жаңа музейге барды](https://cdn.nur.kz/images/1120/f8eb8f187ea749b3.jpeg)
Мақаланың түпнұсқасы: https://kaz.nur.kz/society/1821544-tokaev-magystaudagy-bis-kekilbajly-atyndagy-zaa-muzejge-bardy/