Өскеменде сауда үйінің еденіне құлпытастар төсеп қойған (фото)

Әлеуметтік желілерде Өскемендегі "Әлем" сауда үйіндегі еденнің суреттері тарап кетті. Онда еденнің қайтыс болған адамдардың құлпытас қалдықтарынан төселгенін анық көруге болады деп хабарлайды YK-news.kz-ке сілтеме жасаған KAZ.NUR.KZ.

Cауда әлемінің әкімшілігі оқиғаны растап отыр. Алайда олар аталмыш оқиғаның орын алуына сауда үйі еденін төсеген делдал компания кінәлі деп отыр.

"Сауда үйінде жөндеу жұмыстары жүргізілді. Еден шаң астында болды. Еденнің неден төселгенін көру мүмкін емес болды. Оқиға тек жөндеу жұмыстары аяқталып, еден жуылған соң ғана анықталды", - деп түсіндірген сауда үйінің әкімшілігі.