RU

Студенттік жатақханалар құрылысының жаңа механизміне қатысты қандай сұрақтар жиі қойылады?

2018 жылдың қазан айынан Қазақстанда студенттік жатақханалар құрылысының жаңа механизмі іске қосылды. Механизм қатысушылары оқу орындары, кәсіпкерлер, инвесторлар бола алады. Төменде әлеуетті инвесторлардан жиі қойылатын сұрақтар топтамасы ұсынылған.

Өзекті сұрақтар
Фото: «Қаржы орталығы» АҚ: Facebook

Механизмнің жаңалығы неде? Мемлекет 3 жыл ішінде бюджетке жүктемесіз орын тапшылығын азайтады, ал инвестор құрылысқа арналған шығындарды өтеу кепілдігімен перспективалы бизнес жобаның меншік иесі болады.

Құрылыс қандай көздерден қаржыландырылады? Құрылысты қаржыландыру толығымен инвестордың қаражаты немесе «инвестор + оқу орны» форматында консорциум құру жолымен оқу орындары тарапынан ішінара бірлесіп қаржыландыру есебінен жүзеге асырылады.

Мемлекеттің қолдауы неде? Жатақхананы енгізгеннен кейін мемлекет әрбір студентке жылына 122 АЕК = 323 МЫҢ ТЕҢГЕ мөлшерінде мақсатты мемлекеттік тапсырысты орналастыруға кепілдік береді. Бұл жыл сайын АЕК өсуімен төлем көлемі орта есеппен 4-5% артады.

Мемлекет инвесторларды жер телімдерімен қамтамасыз ете ме? Жер телімін мемлекеттік-жеке меншік әріптестік шарты шеңберінде заттай грант түрінде өтеусіз негізде алуға болады. Сондай-ақ жер телімін тиімді шарттармен және конкурстық рәсімдерді өткізбей өңірлердің ӘКК арқылы сатып алу мүмкіндігі бар.

Жатақханаларға қандай талаптар қойылады? Салынып жатқан нысандар барлық құрылыс және санитарлық нормаларға сәйкес болуы тиіс. Бұл ретте үлгілік жобаларды пайдалану бойынша міндеттемелер жоқ. Құрылыс инвестордың немесе оқу орнының жобасына сәйкес жүзеге асырылады.

Арзан қарызды тарту мүмкіндігі бар ма? Жатақханалар салуға тартылған несиелер «Даму» қоры арқылы "Қарапайым заттар экономикасы" бағдарламасы аясында субсидияланады. Қарыз мөлшерлемесі 15% болғанда, субсидия мөлшері 9% - ға дейін жетуі мүмкін. Осылайша, қарыз алушы үшін несие бойынша соңғы мөлшерлеме – 6% құрайды.

Қосымша табыс көздері бар ма? Мақсатты мемлекеттік тапсырыстың құнына студенттердің жалдау ақысы кірмейді, оның мөлшерін меншік иесі анықтайды. Сонымен қатар, жатақханада тұрмыстық қызмет көрсету үшін коммерциялық алаңдар құра алады: асханалар, шаштараздар, тренажер залдары және т. б.

Механизмге қатысу үшін не қажет? Шарт жасасу үшін инвестор «Қаржы орталығы» АҚ жер теліміне 2 құжат: құқық белгілейтін (ЖАО қаулысы, сатып алу-сату шарты және т.б.) және жер теліміне актіні қоса өтініш береді. Өтінішті қарау мерзімі 15 күн.

Толық кеңес алу үшін call-center 8-800-080-8010 жүгінуді немесе studdom.kz сайтына кіруді ұсынамыз.

«Қаржы орталығы» АҚ

Мақаланың түпнұсқасы: https://kaz.nur.kz/society/1832320-studenttik-zatakhanalar-krylysyny-zaa-mehanizmine-katysty-kandaj-sraktar-zii-kojylady/