Ақмола суретшісі Кипр заманауи өнер мұражайына 8 авторлық жұмысын тапсырды

КСРО, Қазақстан Суретшілер Одағының мүшесі, ҚР Суретшілер Академиясының корреспондент-мүшесі Дулат Қоспанов Никосия қаласы Кипр заманауи өнер мұражайына 8 авторлық жұмысын тапсырды, деп хабарлайды ішкі саясат басқармасы.

Оның еңбектерімен көптеген адамдар таныс. Шебер Дулат Коспановтың ең үздік туындылары ҚР Ұлттық музейінің қорында, Қазақстан Республикасының Көркем көрмелер дирекциясында сақтаулы, сондай-ақ Қазақстан мен басқа елдердің галереялары мен жеке коллекцияларында ұсынылған.

Енді біздің жерлесіміздің шығармашылық жұмыстары Кипр заманауи өнер мұражайында қойылады. Олардың ішінде « Абылай хан» картинасы автордың сүйікті жұмыстарының бірі болып табылатын ұлы ханның күрделі сипатын дәлме-дәл беретін, түсі бойынша монумент жұмысы.

Естеріңізге сала кетейік, Дулат Коспанов өзінің шығармашылық жолын 1971 жылы Н. Гоголь атындағы Алматы көркемсурет училищесінің кескіндеме бөлімінің студенті болып бастаған.

Уақыт жылнамасы - суретшіні қызықтырады, сондықтан ол қазақ халқының батырлық тарихына, оның көрнекті тұлғаларына жиі жүгінеді. Бір жұмыстарында тарихи оқиғалардың авторлық көрінісі, олардың тікелей иллюстрациялық бейнесі, басқаларында ғасырлар ағымындағы ұлы тұлғалардың рөлі туралы оның философиялық көзқарастарының көрінісі. «Ұрпақтарымызға жақсы, мейірімді, шынайы нәрсе қалдырғым келеді», - дейді Қоспанов.

Айта кетерлігі, Кипрдің қазіргі заманғы өнер мұражайы 14 түркі елінен келген суретшілердің туындыларының бай коллекциясына ие. Атап айтқанда, Түркия, Әзірбайжан, Қазақстан, Қырғызстан, Өзбекстан, Түркіменстан, Гагаузия, Татарстан, Башқұртстан, Дағыстан, Алтай, Тува және Халай Республикаларынан жұмыстар қойылды.

Мәтіннен қате тапсаңыз, бізге жазыңыз