СҚО ауруханасында бас дәрігердің жұмыстан босатылуына байланысты дау туды

Бас дәрігер ауруханада екі жыл бойы есепші жасаған миллиондаған ұрлықтың бетін ашты, алайда өзі жұмыстан қуылды. Ол мекемедегі жағдайларға дұрыс бақылау жасамады деп айыпталды. Аурухананың медициналық қызметкерлері дәрігерді қызметіне қайта оралуын талап етіп отыр деп хабарлайды KAZ.NUR.KZ.

Солтүстік Қазақстан облысындағы Александр Құдайбергенов есімді дәрігер мекемеде қомақты қаржы жымқырылып келгені туралы хабарлағаннан кейін аудандық аурухананың меңгерушісі қызметінен босатылғаны белгілі болды.

Ауруханадағы есепшінің екі жылдан бері бюджет қаражатын күйеуінің картасына аударғаны анықталды. Жалпы шығын 20 миллион теңгені құрады деп хабарлайды Астана телеарнасы.

Бұл фактіні бірінші болып Александр Құдайбергенов ашты, ол уәкілетті органдарға жағдайды хабарлады. Алайда, бұл іс дәрігерге қарсы қойылды: ол өзінің қарамағындағы мекемеде болған оқиғаларды дұрыс бақыламады деп айыпталды.

Нәтижесінде есепші жауапқа тартылып, бас дәрігер қызметінен босатылды.

Арнаның хабарлауынша, хирургтың жұмыстан босатылуы жанжал тудырды: аурухананың барлық медициналық қызметкерлері оны қорғап, қызметіне қайта қояды талап етіп отыр. Бұл туралы петицияға 150 адам қол қойды.