Ақтөбеде мұнай қалдықтарына арналған резервуар жанып жатыр
Опубликовано:
Ақтөбе облысы Мұғалжар ауданы Жаңажол ауылында мұнай қалдықтарына арналған резервуар өртеніп жатыр деп хабарлайды KAZ.NUR.KZ "ҚазАқпарат" агенттігіне сілтеме жасап.
![Көрнекі фото: NUR.KZ Көрнекі фото: NUR.KZ](https://cdn.nur.kz/images/1120/pogudxu53akn5q4e8.jpeg)
Ақтөбе облыстық төтенше жағдайлар департаменті оқиға орнында өрт сөндірулер жұмыс істеп жатқанын хабарлады.
"Келеңсіз жағдай "СНПС-Ақтөбемұнайгаз" АҚ территориясында болды. Аумағы 3 мың текше метр болатын мұнай қалдықтарына арналған резервуар өртенді. Барлығы 8 техника мен 35 адам жұмылдырылды. Ақтөбе қаласынан тағы 5 техника мен 25 қызметкер жіберілді. Зардап шеккен адам жоқ", - деді облыстық ТЖД баспасөз қызметі.
Айта кетейік, Ақтөбеде сырғанаққа барған бала жүк көлігінің астына түсіп, көз жұмды.
"Ақтөбе облысының Темір ауданында жол-көлік оқиғасы болды. Бас жасар бала шамамен сағат 11:00-де үйінің жанында төбеден төмен қарай сырғанап жүрген. Ол аңдаусызда көшеде өтіп бара жатқан "КамАЗ" автокөлігінің, яғни, ассенизатордың доңғалағының астына түсіп кетті", - деп хабарлады облыстық ПД баспасөз қызметінің жетекшісі Ерболат Сарқұлов.
Қазіргі уақытта аталған оқиғаға қатысты Қазақстан Республикасы Қылмыстық кодексінің 345-бабы 3-тармағы бойынша сотқа дейінгі тергеу басталды.
Мақаланың түпнұсқасы: https://kaz.nur.kz/society/1835231-aktbede-mnaj-kaldyktaryna-arnalgan-rezeruar-zanyp-zatyr/