Уханьнан келген студенттер оқшауланған аурухананың көрінісі қандай (фото)

Желіде Уханьнан эвакуацияланған отандастарымызды оқшаулаған медициналық мекеменің суреттері тарады деп хабарлайды KAZ.NUR.KZ.

Жалпы алғанда елордадағы ауруханада 83 қазақстандық оқшауланған. Олардың сексені Қытайдың Ухань қаласында оқыған студенттер. Аурухана жаңадан салынған, онда қауіпсіздік жүйесі өте жоғары.

Сондай-ақ әр палатада желдеткіш жүйесі бар. Ол дәліз бен науқастар бөлмесінің ауа райы араласуына жол бермейді.

Эвакуацияланған қазақстандықтарды ауруханаға жеткізбес бұрын, ұшақ бортында барлық жолаушылардың дене қызуын қайтадан өлшеген. Олардың багаждары да өңдеуден өткізіліп, сақтау камерасына берілген.

Айта кету керек, медициналық мекемедегі палаталар бір-бірінен оқшауланған. Науқастар дәлізге шықпайды. Ал медицина мамандары сақтық шараларын барынша сақтап жатыр.

Еске сала кетсек, еліміздің бас санитарлық дәрігері коронавирусқа тексеру үшін 89 азаматтың ауруханаға жеткізілгенін мәлім етті. Олардың 43-і денсаулығы жақсы деп танылып, үйлеріне қайтарылған. Ал қалған 46 науқастан алынған сынаманың нәтижелері әзірге белгісіз болып отыр.

Ең маңызды әрі қызықты жаңалықтарды біздің Telegram арнамыздан оқыңыздар!