Қазақстан мен Өзбекстан жаңа автокөлік модельдерінің бірлескен өндірісін ашты

Премьер-министр Асқар Мамин Қостанай қаласына жұмыс сапары барысында өңірдің автомобиль зауытында "Chevrolet" маркасының жаңа модельдерінің Қазақстан-Өзбекстан бірлескен автоқұрастыру желісінің ашылу салтанатына қатысты деп хабарлайды KAZ.NUR.KZ.

Телекөпір аясында Қазақстан мен Өзбекстан үкімет басшылары А. Мамин мен А. Арипов "СарыарқаАвтоӨнеркәсіп" ЖШС және "UzAuto Motors" АҚ бірлескен жобасын ресми түрде іске қосты.

Жаңа өндірістік желіде осы жылдың соңына дейін 1 мыңнан астам жоғары өнімді жұмыс орны құрылатын болады, бұл қызмет көрсету мен өндіріс секторлары арасындағы жұмыс күші ағынының өсуі тұрғысынан ерекше маңызға ие. Қазіргі таңда зауыт толық жүктемемен үш ауысымда жұмыс істейді.

"Елбасы Нұрсұлтан Әбішұлы Назарбаев пен Өзбекстан президенті Шавкат Миромонович Мирзиеев екіжақты қарым-қатынасты стратегиялық ынтымақтастықтың жаңа деңгейіне шығаруға негіз салды. Қазақстан президенті Қасым-Жомарт Тоқаев Өзбекстанмен өзара тиімді серіктестікті нығайту мен дамытуға ерекше көңіл бөледі" — деді Мамин.

Үкімет басшысы үшінші елдерден тауарлар мен қызметтердің импортына тәуелділікті төмендету мақсатында Қазақстан мен Өзбекстанның өндірістік процестерін интеграциялаудың өзектілігі артып келе жатқанын атап өтті.

Жаңа өндірістік желіде "Chevrolet" маркалы автомобилінің – Damas, Labo, Trailblazer, Malibu, Spark және т. б. бірнеше модельдері құрастырылатын болады. "Chevrolet Damas" автобусы мен "Chevrolet Labo" жүк машинасының қолжетімді түпкілікті құны шамамен 3 млн теңгені құрайды. Бұл олардың сауда, логистика, ауыл шаруашылығы және басқа да салалардағы шағын және орта бизнес үшін тартымдылығын арттырады.

Автоуөлік жасау — Қзақстан экономикасының қарқынды дамып келе жатқан салаларының бірі. Биыл автоөнеркәсіп өнімінің жалпы көлемін жылына 100 мың автомобильге дейін, саланы жергіліктендірудің орташа деңгейін 50%-ға дейін, ал коммерциялық техника мен автобустар бойынша 60-65%-ға дейін жеткізу көзделген.

Еске сала кетейік, Өзбекстанда коронавирус пандемиясына байланысты төменгі парламент палатасы 16 наурыздан бастап карантинге жабылғанын хабарлағанбыз.

Ең маңызды әрі қызықты жаңалықтарды біздің Telegram арнамыздан оқыңыздар!