Бас санитар: Қауіпті коронавирус инфекциясы ел ішінде тарауға көшті

Жақында Қазақстанның бас санитар дәрігері лауазымын иеленген Айжан Есмағаметова елдегі коронавирус "іштей тарауға" көшкенін мәлімдеді. Егер бастапқыда инфекция сырттан келсе, қазір көбі ауруды бір-бірімен байланысу арқылы жұқтырып жатыр деп хабарлайды KAZ.NUR.KZ.

Осы сағатта Қазақстанда 369 науқас тіркелген, олардың ішінде тек 91-і сырттан келген. Ал науқастардың 70 пайызы қауіпті инфекцияны ел ішінде бір-бірімен байланысу арқылы жұқтырған. Есмағамбетованың сөзінше, вирус біздің арамызда, яғни, қазір вирустың іштей таралуы болып жатыр.

Науқаспен байланысқан әр тұлға қатерлі инфекцияны тағы төрт адамға жұқтыруы мүмкін. Бүгінде COVID-19 індетін жұқтырмаудың бірден-бір амалы- үйден шықпау және басқа адамдармен байланысқа түспеу.

Сонымен қатар, адамдар үйлерін жиі желдетіп, ылғалды тазарту жүргізіп, дезинфекцияға арналған ультракүлгін сәулелерді пайдалану қажет.

Айта кетейік, бүгін, 1 сәуірде елімізде коронавирустық инфекциядан көз жұмған тағы бір науқас тіркелді. Марқұмның өліміне қатысты мән-жай белгілі болды.

Ал соңғы мәліметтермен бөліскен Есмағамбетова өз қызметінде ұзақ жылдар отырған Жандарбек Бекшинді жақында ғана алмастырған еді.

Ең маңызды әрі қызықты жаңалықтарды біздің Telegram арнамыздан оқыңыздар!

Мақаланың түпнұсқасы: https://kaz.nur.kz/society/1848421-bas-sanitar-kauipti-koronavirus-infekciasy-el-isinde-tarauga-ksti/