Енді анықтама қажет емес: Алматыда қала бойынша қозғалыс ережелері өзгертілді
Опубликовано:
Оңтүстік астананың жеделштабы карантин жағдайында жұмысты жалғастыра алатын барлық кәсіпорындар мен ұйымдардың электрондық деректер базасын құрды. Хабарланғандай, құқық қорғау органдарының қызметкерлері ешқандай анықтамалар, немесе қағаз рұқсатнамаларды қабылдамайды деп жазады KAZ.NUR.KZ.
![Фото: NUR.KZ/Петр Карандашов Фото: NUR.KZ/Петр Карандашов](https://cdn.nur.kz/images/1120/160342c3c12a254b_w.jpeg)
Электрондық деректер базасына медицина, құқық қорғау, мемлекеттік органдар, коммуналдық кәсіпорындар қызметкерлері, сондай-ақ бұқаралық ақпарат құралдарының, такси және жеткізу қызметтерінің өкілдері кірді.
Жедел штабта хабарлағандай, мегаполис аумағында азаматтардың полицияға түрлі форматтағы қағаз рұқсаттамаларын көрсеткен фактілер жиілеп кеткен.
7 сәуірден бастап полиция қызметкерлері ешқандай рұқсаттама немесе анықтама қабылдамайды. Тек электрондық база ғана жұмыс істейді.
Ақпаратты нақтылау үшін ұйым басшылары Алматы қаласы ПД-нің call-орталығына 254-4007 телефоны бойынша немесе business_stab@almatydc.kz e-mail арқылы хабарласа алады.
Естеріңізге сала кетейік, бұған дейін Нұр-Сұлтан мен Алматыда қаласында жұмыссыз режим бір аптаға яғни 13 сәуірге дейін ұзартылғаны хабарланған еді.
Ең маңызды әрі қызықты жаңалықтарды біздің Telegram арнамыздан оқыңыздар!
Мақаланың түпнұсқасы: https://kaz.nur.kz/society/1849335-endi-anyktama-kazet-emes-almatyda-kala-bojynsa-kozgalys-erezeleri-zgertildi/