ҰБТ кезінде түлектің тыйым салынған затты пайдаланғаны анықталса, ҰБТ нәтижесі жойылады

Опубликовано:

Білім және ғылым министрі Асхат Аймағамбетов бейнежазбаны қарау кезінде түлектің тыйым салынған затты пайдаланғаны анықталса, ҰБТ нәтижесі жойылатынын мәлімдеді деп хабарлайды KAZ.NUR.KZ порталы Қазақпаратқа сілтеме жасап.

Көрнекі фото: pixabay.com
Көрнекі фото: pixabay.com: Depositphotos

Бұл туралы министр үкімет отырысында айтты.

"Бейнежазбаны қарау кезінде талапкерлердің тыйым салынған заттарды пайдаланғаны анықталса, онда ҰБТ нәтижесі, сонымен қатар білім беру гранты жойылады", - деді ол.

Аймағамбетовтың айтуынша, осы жылы тест тапсырушыларға қарапайым калькулятор беріледі және тестілеу уақыты 3 сағат 50 минуттан 4 сағатқа дейін ұзартылған.

Ол талапкерлерге тестілеуге дайындалу үшін түрлі жағдайлар жасалғанын жасырмады.

"Талапкерлер ҰБТ-ға жақсы дайындалуы үшін біз оларға ақысыз орталықтың сайтында 70 нұсқа тесттерін алдын ала берген болатынбыз. Түлектер емін-еркін осы сынама тестілерді тапсыру мүмкіндігіне ие болды және тапсырды деп айта аламыз", - дейді министр.

Аймағамбетовтың сөзінше, биылғы түлектер мектепте тапсыратын қорытынды емтихандардан мамыр айының соңында босатылған.

"Осы шаралардың барлығы түлектер үшін үлкен қолдау екені сөзсіз", - деді Аймағамбетов.

Еске сала кетсек, осыған дейін ҰБТ аяқталғаннан кейін тестілеу кезіндегі видеоматериалдар біраз уақыт бойы тексеруден өткізіліп, көшірумен айналысқан түлектердің жинаған ұпайы жойылатынын хабарланған еді.

Мақаланың түпнұсқасы: https://kaz.nur.kz/society/1858484-bt-kezinde-tlekti-tyjym-salyngan-zatty-pajdalangany-anyktalsa-bt-ntizesi-zojylady/

jitsu gif