Екі күн ішінде ауру белгілері жоқ 687 коронавирус тасымалдаушысы тіркелді
Опубликовано:
Денсаулық сақтау министрлігі COVID-19 ауруының клиникалық белгісі жоқ тасымалдаушыларына қатысты статистика жариялайтынын мәлім етті. 2020 жылғы 3-5 маусымдағы жағдай бойынша, жалпы статистикаға қосылмаған 687 коронавирус індетінің белгілері жоқ тасымалдаушы тіркелді деп хабарлайды KAZ.NUR.KZ порталы Coronavirus2020.kz сайтына сілтеме жасап.
![Көрнекі фото: NUR.KZ / Петр Карандашов Көрнекі фото: NUR.KZ / Петр Карандашов](https://cdn.nur.kz/images/1120/5c310e644cc8e533_w.jpeg)
Министрлік бүгіннен бастап барлық ресми дереккөздерде коронавирус инфекциясы бойынша ауру белгілері бар және клиникалық белгілері жоқ вирус тасымалдаушылар бойынша статистика жеке-жеке жарияланатынын мәлім етті.
Осылайша, 2020 жылғы 3-5 маусымдағы жағдай бойынша, жалпы статистикаға қосылмаған 687 коронавирус індетінің белгілері жоқ тасымалдаушы тіркелген. Атап айтқанда:
Ақмола облысында - 8,
Ақтөбе облысында - 11,
Алматы облысында - 60,
Атырау облысында - 42,
Шығыс Қазақстан облысында - 31,
Жамбыл облысында - 12,
Батыс Қазақстан облысында - 79,
Қарағанды облысында - 77,
Қостанай облысында - 3,
Қызылорда облысында - 32,
Маңғыстау облысында - 57,
Павлодар облысында - 6,
Түркістан облысында - 21,
Солтүстік Қазақстан облысында - 24,
Алматы қаласында - 70,
Нұр Сұлтан қаласында - 98,
Шымкент қаласында - 56 ауру белгілері жоқ вирус тасымалдаушысы анықталды.
Еске сала кетейік, соңғы деректерге сәйкес, Қазақстан бойынша коронавирус инфекциясын жұқтырғандар саны 12 511 адамға жетті.
Мақаланың түпнұсқасы: https://kaz.nur.kz/society/1859184-eki-kn-isinde-auru-belgileri-zok-687-koronavirus-tasymaldausysy-tirkeldi/