Top.Mail.Ru

Сайт нұсқасы

ru kz

Зектілері

Бағлан Майлыбаев мерзімінен бұрын босап шықты

Опубликовано:

Нұр-Сұлтан қалалық соты Президент әкімшілігі басшысының бұрынғы орынбасары Бағлан Майлыбаевтың мерзімінен бұрын босату туралы өтінішін қанағаттандырғанын хабарлады деп жазады KAZ.NUR.KZ елордалық соттың ресми сайтына сілтеме жасап.

Фото: Ақорда
Фото: Ақорда: Instagram

Соттың мәліметінше, Майлыбаев сотқа жазаның өтелмеген бөлігі бойынша шартты түрде мерзімінен бұрын босату туралы өтінішпен жүгінген.

Сот өтінішті қарай отырып, оның ауыр қылмыс үшін тағайындалған жаза мерзімінің заңмен белгіленген ½ аса бөлігін өтегенін, түзеу мекемесі әкімшілігінің оң мінездеме бергенін, ішкі тәртіп ережелерін бұзбағанын, 9 рет мақтау алғанын, жазаланбағанын, мінез-құлқына үшінші оң дәреже деген баға берілгенін, қылмыстық іс бойынша талап жоқтығын, жұмысқа орналасуға мүмкіндігі бар екенін ескерген.  

2020 жылғы 14 мамырда Нұр-Сұлтан қаласының Байқоңыр ауданының №2 соты Бағлан Майлыбаевты шартты түрде мерзімінен бұрын босату туралы шешіп шығарған.

Жазасы өтелмеген 1 жыл 4 ай 21 тәулік мерзімге пробациялық бақылау белгіленген.

Сонымен қатар, сот Майлыбаевқа ішкі істер органдарына мінез-құлқы бойынша есеп беруге бару, ішкі істер органының рұқсатынсыз тұрғылықты мекен-жайыннан кетпеу және өзгерту, орган белгілеген жерлерге жұмыстан бос уақытында бармау, өзі тұратын аймақтан және Қазақстан Республикасынан тыс жерлерге шықпау міндеттерін орындауды жүктеген.

Жазаның өтелмеген мерзімде Майлыбаевтың мінез-құлқын бақылауды, оның тұрғылықты жеріндегі полиция қызметіне жүктелген.

Сот қаулысына шағым немесе прокурор наразылық бермеген. Қаулы заңды күшіне енді.

Еске салайық, 2017 жылғы 13 маусымда Астана қаласы Есіл ауданының №2 сотының үкімімен Бғлан Майлыбаев Қылмыстық кодекстің 361 бабы 4 бөлігі, 185 бабы 3 бөлігімен 5 жылға бас бостандығынан айырылған болатын.  

Мақаланың түпнұсқасы: https://kaz.nur.kz/society/1859996-baglan-majlybaev-merziminen-bryn-bosap-sykty/

pixel