Адамдар зардап шегіп, үйлер қираған: Аягөзде қатты дауыл тұрды (фото, видео)

Шығыс Қазақстан облысының Аягөз қаласында қатты дауыл тұрды. Күшті жел тұрғын үйлер мен әкімшілік ғимараттардың шатырын ұшырды. Сондай-ақ зардап шеккендер бар. Шығыс Қазақстан облысының төтенше жағдайлар департаменті табиғи апаттың салдары туралы мәлімет берді деп хабарлайды KAZ.NUR.KZ.

Дауылды Аягөз қаласының тұрғыны видеоға түсіріп, әлеуметтік желіде жариялаған. Желі қолданушылары қала тұрғындарына алаңдаушылық білдіріп отыр.

Өңірлік ТЖД ақпарынша, табиғи апат салдарынан жеті адам зардап шеккен. Олар қираған әйнектер мен құлаған ағаш бұтақтарынан жарақат алған.

Желдің екпіні секундына 28 метрге дейін жеткен.

Бұдан бөлек, 19 екіқабатты және 72 бірқабатты тұрғын үйге, төрт мектепке, балабақша мен аудандық аурухана ғимаратына зақым тиген.

Тоғыз мыңнан астам абонент электр жарығынсыз қалған. Арнайы комиссия табиғи апаттан келтірілген шығынды есептеуде.

Еске сала кетейік, бұған дейін Нұр-Сұлтанда түні бойы жаңбыр жауып, қаланы су басқанын хабарлаған болатынбыз.

Елорда көшелерінің көрінісін әлеуметтік желі қолданушылары бірінен соң бірі жарыса жариялап жатыр.

Желідегі видеолардан Нұр-Сұлтандағы жолдардың жаңбыр суы астында қалғанын байқауға болады. Сол жағалаудың да, оң жағалаудың да көшелерін су басқан.

Мақаланың түпнұсқасы: https://kaz.nur.kz/society/1860783-adamdar-zardap-segip-jler-kiragan-aagzde-katty-dauyl-trdy-foto-video/