АҚШ коронавирус бойынша тағы антирекорд орнатты
Опубликовано:
АҚШ-та 24 сағат ішінде коронавирус инфекциясы бар 60 мыңға жуық науқас анықталды. КВИ-дің жаңа легі жаппай наразылықтардан кейін өршіген деп жазады KAZ.NUR.KZ.
NYT мәліметтеріне сәйкес, бір күнде 59,4 мың америкалық тұрғын вирус жұқтырған. Осылайша, бір уақытта 5 штат рекорд орнатты.
Онлайн режимде коронавирус бойынша статистиканы есептейтін worldometers.info порталының мәліметінше, АҚШ-та вирус жұқтырғандар саны 3,2 миллионнан асқан.
Жалпы алғанда, әлемде 12 миллионнан астам адамнан КВИ анықталды. Америкалықтар бұл сандардың төрттен бір бөлігін құрайды.
Штатта COVID-19 136 мыңға жуық адамның өмірін қиды. АҚШ-та екінші апта коронавирустың рекордтық көрсеткіштері тіркелді.
Сондай-ақ, Миннеаполистегі Джордж Флойдтың өліміне байланысты АҚШ-тың жүздеген қаласында өткен жаппай наразылық шерулерінен кейін вирус жұқтыру дерегінің артқаны хабарланды.
Естеріңізге сала кетейік, АҚШ Дүниежүзілік денсаулық сақтау ұйымынан шығатынын ресми түрде мәлімдеді. Ақ үй басшысы БҰҰ-да осындай мәлімдеме жасады.
Сондай-ақ, АҚШ-тың Орегон штатындағы Линкольн округінің әкімшілігі афроамерикалықтарға қоғамдық орындарда қорғаныс маскаларын тақпауға рұқсат берді.
Мақаланың түпнұсқасы: https://kaz.nur.kz/society/1864288-aks-koronavirus-bojynsa-tagy-antirekord-ornatty/