3 тамыздан бастап Қазақстанда қоғамдық көлік іске қосылуы мүмкін
Опубликовано:
Денсаулық сақтау министрлігінің басшысы министрлер кабинетінің отырысында 3 тамыздан бастап елдегі қоғамдық көліктердің жұмысына қайта рұқсат беруді ұсынып жатқанын айтты - бұл ұсынысты мемлекеттік комиссия қарайтын болады деп жазады KAZ.NUR.KZ.
Алексей Цой Қазақстанның қалалары мен аудандарындағы қоғамдық көліктерді шектеулермен іске қосуды ұсынды.
Жолаушылар бетперде киіп, санитарлық режимді сақтауы керек, көлік тек 50% толуы қажет, сондай-ақ, кондукторлар автобустарда қайта пайда болуға міндетті.
Сонымен бірге, Денсаулық сақтау министрлігі шағын автобус түріндегі қалааралық микроавтобустарға тыйым салуды ұсынады. Сондай-ақ, елде 3 тамыздан бастап қала маңындағы пойыздар мен электр пойыздарын іске қосу жоспарланбайды.
Естеріңізге сала кетейік, 2020 жылдың 27 шілдесіндегі жағдай бойынша Қазақстанда тағы 1526 адамнан COVID-19 анықталды. Осылайша, елімізде қауіпті вирус жұқтырғандар саны 84 648-ге жетті.
Айта кетейік, Қазақстанда коронавируспен ауырған бір науқасты емдеуге қанша қаражат кететіні туралы жазған болатынбыз.
Медициналық сақтандыру қорының басшысы ОКҚ-да өткен онлайн-брифингте коронавируспен ауырған бір науқастың ауруханада ем алуы қанша тұратынын хабарлаған еді.
Мақаланың түпнұсқасы: https://kaz.nur.kz/society/1867033-3-tamyzdan-bastap-kazakstanda-kogamdyk-klik-iske-kosyluy-mmkin/