RU

Алматыда көлік айналарын ұрлаған күдіктілер ұсталды

Алматыда көлік айналарын ұрлаумен айналысқан үш күдікті ұсталды. Олардың бірі бұрын мүліктік қылмыс жасағаны үшін сотталған деп хабарлайды KAZ.NUR.KZ Polisia.kz-ке сілтеме жасап.

Алматыда көлік айналарын ұрлаған күдіктілер ұсталды
Көрнекі фото: pixabay.com: UGC

Полицияның мәліметінше, 1988 және 1999 жылы туған үш күдікті қамауға алынды. Олардың үшеуі де Алматы облысының Жамбыл ауданында тұрады.

Ер адамдар қымбат көліктердің айналарын ұрлады деген күдікке ілінді. Олар ұрлықты түнгі уақытта жасаған деп болжанады.

Полицияның мәліметінше, күдіктілердің осыған ұқсас бес ұрлыққа қатысы бары расталды. Олардың төртеуі Алмалы ауданында, тағы бірі Медеу ауданында жасалған.

Тәртіп сақшылары ер адамдар осындай ұрлықтарды қала бойынша жасаған деген пікірде. Қазір олардың басқа ұқсас жағдайларға қатысы бар-жоғы тексерілуде.

Сондай-ақ, ұрланған көлік айналарының қайда жіберілгені белгілі болды.

Естеріңізге сала кетейік, ШҚО-да жекеменшік үйге ұрлыққа түскен азамат өзін-өзі полицияға ұстап бергенін хабарлаған едік.

Шығыс Қазақстан облысы Жарма ауданында ұры қылмыс орнында ұйықтап қалып, полицияның құрығына түсті.

54 жастағы күдіктінің айтуынша, ағымдағы жылдың 19 шілде күні түнде ол мас күйінде жеке үйге кіріп, үй иелерінің жоқ екенін алдын ала біле тұра, азық-түлік өнімдерін ұрлаған.

Мақаланың түпнұсқасы: https://kaz.nur.kz/society/1867939-almatyda-klik-ajnalaryn-rlagan-kdiktiler-staldy/