Әйелінің жеңіл жүрісті болғанын той үстінде білген әлем чемпионы оны қуып жіберді (видео)

Владикавказда еркін күрестен әлем чемпионы Заурбек Сидаковтың үйлену тойы шулы жағдаймен аяқталды деп хабарлайды KAZ.NUR.KZ порталы НТВ телеарнасына сілтеме жасап.

Сидаков Токио Олимпиадасында Ресейдің атынан шығуы керек болатын. Алайда, ойындар коронавирус пандемиясына байланысты кейінге шегерілді. Ал спорттық өміріндегі үзілісті сәтті пайдаланғысы келген Сидаков үйлену туралы шешімге келген.

Мерекелік кештің ортасында атақты спортшы мен тойда отырған бірнеше қонақтың ұялы телефонына "күтпеген видео" келген. Онда Сидаковтың жарының ерсі әрекеттері бейнеленіпті. Хабарламаны жіберген автор қалыңдықтың бұрын "эскорт" болып жұмыс істегенін айтқан.

Осыдан кейін үйлену той у-шумен жалғасып, ақыры күйеу жігіт сүйіктісін рестораннан қуып шыққаны белгілі болды.

Кейінірек суретті қалыңдықтың бұрынғы жігітінің жібергені анықталған. Ол осы іс әрекетімен кек алғысы келіпті.

Аталған шулы жағдайдан кейін қалыңдық әлеуметтік желідегі парақшаларын өшіріп тастады. Ал Заурбек Сидаков үйлену тойы туралы БАҚ беттерінде ешқандай пікір білдірмеген.

Еске сала кетсек, демалыс күндері Шымкент қаласында тәртіп сақшылары жеңіл жүрісті қыздарды қолға түсірген болатын. Ұсталғандардың бірі полиция қызметкерлеріне "жұмыс істеуге рұқсат бермеді" деп наразылығын білдірді.