Ерболат Мұхамеджан: Депутаттардың заңи сауаты төмен болса, заңдарға күмән туады

Опубликовано:

Фото
Фото: Ерболат Мұхамеджан/Facebook

Белгілі журналист Ерболат Мұхамеджан мәслихат немесе мәжіліс депутаттарының заңи, құқықтық білімі болуы керек екенін жеткізді деп хабарлайды KAZ.NUR.KZ порталы.

Бұл туралы Ерболат Мұхамеджан Facebook әлеуметтік желісіндегі парақшасында жазды.

"Құқықтық білімі жоқ депутаттардың заңды талқылауға немесе қабылдауға қаншалықты моральдық правосы бар?!

Мәслихат немесе мәжіліс депутаттарының заңи, құқықтық білімі болуы керек. Себебі, заңды қабылдайтын кезде оны жан-жақты қарауды талап етеді. Заңның әрбір бабы қаншалықты ұлттық және халықаралық құқық талаптарына сәйкес келетініне мән беруі керек. Білімі болуы өте маңызды.

Мысалы, біздің депутаттардың білімдерін қараған кезде көбісінің құқықтану бойынша білімі жоқ. Ең болмаса, қысқа уақытқа жасалған арнайы курстардан өтпеген. Егер біздің депутаттардың заңи сауаты төмен болатын болса, онда қабылданып жатқан заңдарға күмән тудырғанымыз дұрыс", - деді ол.

Естеріңізге сала кетейік, білім және ғылым министрі Асхат Аймағамбетовтің кеңесшісі болған Ерболат Мұхамеджан қызметінен кеткенін жазған едік.

Мақаланың түпнұсқасы: https://kaz.nur.kz/society/1873616-erbolat-mhamedzan-deputattardy-zai-sauaty-tmen-bolsa-zadarga-kmn-tuady/