RU

Коронавирус мутациялана бастады: Жаңа вирусқа 20A.EU1 деген атау берілді

тәжвир85
Көрнекі фото: pixabay.com

Еуропадағы коронавирус инфекциясын жаңа жұқтыру жағдайларының 80%-ына мутацияланған коронавирус себеп болды.

Бұл туралы ақпарат ҚР Үкіметі жанындағы коронавирустың таралуына жол бермеу жөніндегі ведомствоаралық комиссияның Telegram каналында жарияланды.

Еуропадағы коронавирус инфекциясын жаңа жұқтыру жағдайларының 80%-ына мутацияланған коронавирус себеп болды. Бұл осы көктемде және жазда бүкіл әлемді құрсап алған вирустан өзгеше. Вирустың жаңа түріне 20A.EU1 атауы берілді.

Болжам бойынша, гендік мутация Испанияда маусым айында пайда болып, Еуропаға оралған туристермен бірге таралды. Испан генетигі Иньаки Комас вирустың таралуы коронавирус инфекциясымен жұқтырылғандардың бұқаралық іс-шараға қатысуыларынан басталды деп болжайды. Ғалым вирустың одан әрі тез таралу себебін Испанияда демалып жатушылардың қауіпсіздік шараларын сақталмауларынан көреді.

Жаңа мутацияның жұқпалылығы және аурудың ағымы тұрғысынан қауіптілігі әлі белгісіз. Бұған дейін, АҚШ-та осыдан да агрессивті, D614G деп аталған, SARS-CoV-2-нің мутациясы анықталды.

Айта кетейік, бүгін елордаға халықаралық әуе рейстерімен келген 62 жолаушы карантинге жатқызылды. Олардың қолында ПТР-анықтама болмаған. Енді бір апта бойы барлығы стационарда дәрігерлер бақылауында болады.

Мақаланың түпнұсқасы: https://kaz.nur.kz/society/1882470-koronavirus-mutacialana-bastady-zaa-viruska-20aeu1-degen-atau-berildi/