Қазақстанның бірнеше өңірінде ауа райына байланысты ескерту жарияланды
Жарияланған күні:
![Қар Қар](https://cdn.nur.kz/images/1120x630/e437fab7490cdcba.jpeg)
"Қазгидромет" РМК қызметкерлері ауа райына байланысты 8-9 қараша күндері еліміздің бірқатар облысында дауылды ескерту жариялады деп жазады KAZ.NUR.KZ порталы.
Синоптиктер таратқан ақпаратқа сәйкес, Ақмола облысының кей жерлерде тұман түсіп, көктайғақ болады. Оңтүстіктен, оңтүстік-батыстан жел соғып, түнде кей жерлерде күші 15-20 м/с, күндіз 15-20, екпіні 25 м/с жетеді деп күтілуде.
Ал Көкшетау қаласында күндіз оңтүстіктен, оңтүстік-батыстан жел соғып, күші 15-20 м/с жетуі мүмкін. Нұр-Сұлтан қаласында кей уақыттарда көктайғақ болады. Оңтүстіктен, оңтүстік-батыстан жел соғады, таңертең және күндіз екпіні 15-20 м/с-қа жетеді деп болжанып отыр.
Мамандар Қызылорда облысында таңертең және күндіз оңтүстік-батыстан, батыстан жел соғатынын, оның күші кей аймақтарда 15-20 м/с дейін сақталатынын ескертті.
Ал Қызылорда қаласында күндіз оңтүстік-батыстан, батыстан жел соғады, екпіні 15-20 м/с болады.
Маңғыстау облысында солтүстік-батыстан жел соғады, күші кей жерлерде 15-20 м/с күтіледі.
Ауа райын болжаушылардың мәліметінше, Актау қаласында солтүстік-батыстан жел соғады. Оның екпіні 18 м/с дейін жетеді деп күтіліп отыр.
Қарағанды облысының кей жерлерінде тұман түсіп, көктайғақ болып, жаяу бұрқасын соғады. Оңтүстік-батыстан жел соғады, кей жерлерінде күші 15-20, екпіні 23-28 м/с күтіледі.
Қарағандыда көктайғақ болады деп күтілуде. Шаһарда оңтүстік-батыстан жел соғып, оның екпіні 15-20 м/с дейін жетуі мүмкін.
Синоптиктер Жезқазған қаласында да оңтүстік-батыстан жел соғатынын, оның екпіні 15-20 м/с-қа жететінін хабарлады.
Солтүстік Қазақстан облысының көп жерінде жауын-шашын (көбінесе қар) болады деп болжануда. Кей аймақтарында тұман түсіп, көктайғақ болып, бұрқасын тұруы мүмкін. Оңтүстік-батыстан жел соғып, оның күші 15-20, екпіні 23-28 м/с күтілуде.
Петропавл қаласында көктайғақ болады деп күтіліп отыр. Ауа райын болжаушылар оңтүстік-батыстан жел соғатынын, оның күші 15-20, екпіні 25 м/с жететінін жеткізді.
Ақтөбе облысында кей жерлерінде тұман түсіп, көктайғақ болуы ықтимал. Солтүстік-батыстан, батыстан жел соғып, күндіз кей жерлерінде екпіні 18 м/с дейін барады.
Ақтөбе қаласында күндіз солтүстік-батыстан, батыстан жел соғып, екпіні 18 м/с жетеді деп күтілуде.
Дауылды ескертудің ықтималдылығы 90-100 пайызды құрап отыр.
Естеріңізге сала кетейік, осыған дейін синоптиктер 2020 жылдың қарашасынан 2021 жылдың наурызына дейінгі аралықта елімізде ауа райы қандай болатынын болжаған еді.
Мақаланың түпнұсқасы: https://kaz.nur.kz/society/1883568-kazakstanny-birnese-irinde-aua-rajyna-bajlanysty-eskertu-zarialandy/