RU

Нұр-Сұлтанда камералар иесі жүргізуші куәлігінен айырылып қалған көліктерді анықтайды

сергек15
Көрнекі фото: NUR.KZ/Петр Карандашов

Нұр-Сұлтан жолдарындағы қауіпсіздікті арттыру мақсатында бейнежазба функциясы кеңейтілді. Енді камералар иелері көлік жүргізу құқығынан айырылған көліктерді анықтай алады.

Бейнежазба функциясы жүйесінің жаңа мүмкіндіктері туралы елорда әкімінің орынбасары Малика Бектұрова өзінің telegram арнасында хабарлады.

Әкім орынбасарының сөзінше, енді иелері жүргізуші куәлігінен айырылған көліктің мемлекеттік нөмірі арнайы базаға енгізіледі. Бейнежазба жүйесі осындай нөмірлерді анықтап, көліктің қозғалысы туралы ақпарат бірден полицейлерге беріледі.

"Жүйенің мүмкіндіктері ағыннан "қауіпті автокөлікті" жақын маңдағы полиция бекетінен 3-6 шақырым қашықтықта анықтауға мүмкіндік береді. Әрі қарай, осындай жүргізушінің бағытын бірнеше секундқа дейін есептеуге болады", - делінген Бектұрованың хабарламасында.

Сонымен бірге ол соңғы екі аптадан астам уақыт ішінде мас күйде көлік жүргізгені үшін 108 астаналықтың жауапқа тартылғанын атап өтті. Олардың тоғызы жүргізуші куәлігінен айырылып қалған.

Еске сала кетсек, цифрлық даму, инновациялар және аэроғарыш өнеркәсібі министрі Бағдат Мусин жыл соңына дейін төлқұжат пен жүргізуші куәлігі цифрлық форматқа ауыстырылатынын жеткізген еді.

Сондай-ақ мәжілісмендер жол қозғалысы жөніндегі заңнамаға түзетулер енгізу жайлы құжатты қабылдады. Құжат азаматтарды жүргізуші куәлігін алып жүру міндетінен босату жөніндегі норманы қамтиды.

Мақаланың түпнұсқасы: https://kaz.nur.kz/society/1885267-nr-sltanda-kameralar-iesi-zrgizusi-kuliginen-ajyrylyp-kalgan-klikterdi-anyktajdy/