RU

Өткен тәулікте елімізде COVID-19 бен пневмониядан қанша адам қайтыс болған

Палатадағы төсек-орын
Көрнекі фото: Antonio Masiello/Getty Images

Коронавирус белгілері бар пневмонрия бойынша соңғы мәліметтер жария етілді. Өткен тәулікте 154 қазақстандыққа аталмыш диагноз қойылған деп хабарлайды coronavirus2020.kz.

"Өткен тәулікте коронавирустық инфекция белгілері бар пневмонияның 154 жағдайы және 1 өлім жағдайы тіркелді. Оған қоса 91 адам емделіп шықты", - делінген ресми хабарламада.

Ал жалпы 1 тамыздан бастап ауырғандардың жалпы саны - 40 848-ге жеткен. Сондай-ақ 425 өлім жағдайы тіркеліп, жазылып шыққандардың саны 29 869 жетті.

COVID-19 таралуына жол бермеу жөніндегі ВАК-тың Telegram арнасындағы ақпаратына сүйенсек, тағы жеті қазақстандық коронавирустың құрбанына айналған.

"Қазіргі уақытта коронавирустық инфекциядан 10 838 адам ем қабылдауды жалғастыруда. Олардың арасында 511 бала бар. Стационарларда 3 127 науқас жатыр. 7 711 адам амбулаториялық жағдайда емделуде.

Жалпы науқастардың арасында 224 адамның ахуалы нашар. Соның ішінде 24 науқастың ахуалы аса қатты ауыр деп бағалануда. 23 науқас өкпені жасанды желдету аппаратында жатыр", - делінген хабарламада.

Еске сала кетейік, елімізде өткен тәулікте 822 қазақстандықтан коронавирус инфекциясы анықталды.

Айта кетейік, Нұр-Сұлтандағы Көпсалалы медициналық орталығына қарайтын қалалық инфекциялық орталықтың басшысы Татьяна Цечоева коронавирустан қорғану үшін созылмалы ауруы бар адамдар нені ескеруі керек екенін айтты.

Оригинал статьи: https://kaz.nur.kz/society/1885778-tken-tulikte-elimizde-covid-19-ben-pnevmoniadan-kansa-adam-kajtys-bolgan/