Өткен тәулікте коронавирус елімізде қанша адамның өмірін жалмады

Өткен тәулікте КВИ белгілері бар пневмонияның 33 жағдайы тіркелді деп хабарлайды KAZ.NUR.KZ порталы "Қазақстанда коронавирустың таралуына жол бермеу жөніндегі ВАК" Telegram-арнасына сілтеме жасап.

Соңғы 24 сағаттың ішінде елімізде өкпе қабынудан өлім жағдайы тіркелген жоқ.

1 тамыздан барлығы: ауырғандар - 43106, 454 өлім жағдайы тіркелді, ал жазылып шыққандардың саны 30956 жетті.

Сонымен қатар, коронавирустың құрбандары туралы ақпарат пайда болды. Соңғы тәулікте коронавирустың салдарынан 9 адам қайтыс болды, деп хабарлайды Денсаулық сақтау министрлігінің ресми Telegram арнасы.

Ведомство мәліметінше, қазіргі уақытта COVID-19 анықталған 14 096 адам ем қабылдауды жалғастыруда. Олардың арасында 1 010 бала бар. Стационарларда 3 687 науқас жатыр. 10 409 адам амбулаториялық жағдайда емделуде.

Жалпы науқастардың арасында 241 адамның ахуалы нашар. Соның ішінде 39 науқастың ахуалы аса қатты ауыр деп бағалануда. 33 науқас өкпені жасанды желдету аппаратында жатыр.

"Денсаулық сақтау министрлігі бұдан былай тәуліктік нәтижелер туралы ақпаратты үзбей жариялап отырады. Барлық мәлімет ресми сайтта және ведомствоның әлеуметтік желілердегі парақшалары арқылы таратылады. Атап айтқанда, науқастардың жалпы саны жөнінде, қайтыс болу деректері туралы және де қоғам үшін маңызды ахуалдың барлығы ресми ақпарат тарату көздерінде жедел жарияланып тұрады", - делінген хабарламада.

Айта кетейік, Қазақстанда өткен тәулікте 712 адам коронавирус жұқтырған.