«Жақында портал іске қосылады»: «Отбасы банк» қаңтардан бастап зейнетақы жинақтарын беруге дайындалуда

20 желтоқсаннан бастап Тұрғын үй құрылыс жинақ банкі жаңа атауға ие болды. Қазақстан Президенті Қасым-Жомарт Тоқаевтың тапсырмасы бойынша қаржы институты «Отбасы банк» АҚ атанды. Банктің тек атауы өзгерді, құрылымы өзгеріссіз қалды. Қаңтар айынан бастап «Отбасы банк» тұрғын үйді есепке алуды, қоюды және бөлуді орталықтандырып жүзеге асыратын толыққанды даму және қолдау институты болуға қамданып жатыр. Банктің Басқарма төрағасының орынбасары Нұрлан Ақшановтың айтуынша, қазір клиенттер рәсімдеу процесін өткізетін арнайы портал әзірленуде. Сонымен қатар, 2020 жылы қазақстандықтарға бірнеше онлайн-сервистерді ұсынуда айтарлықтай тәжірибе жинақталды, деп хабарлайды NUR.KZ тілшісі.

Коронавирус пандемиясы басталғалы бері «Отбасы банкінде» депозиттер ашу рәсімі күрт қысқарды. Бұл банк филиалдарының жабық болуына және азаматтардың ақша жинауды шегере тұруға мәжбүр болуымен байланысты. Кейін Банктің Call-орталығы белсенді жұмыс істей бастады. Дәл сол кезде депозиттерді онлайн рәсімдеуге көшу туралы шешім қабылданды. Тәжірибе көрсеткендей, рәсім қазақстандықтар арасында өте танымал болып шықты.

«Мамыр айында біз депозиттерді қашықтан ашу сервисін аштық. «Отбасы банкте» жеңілдетілген несиеге деген бағыт жинақтан басталады және бұл алғашқы қадамды қазір видеобанкингті пайдалана отырып жүзеге асыруға болады. Біздің веб-сайттағы қызметкер сіздің бейне операторымызға қоңырау шалып, биометрия арқылы сәйкестендіруден өтеді. Ол өзінің жүзін ұялы телефон арқылы көрсетеді, командаларды орындайды және сервис оның тірі адам екеніне көз жеткізу үшін бұрылады. Содан кейін ол өзінің жеке куәлігін көрсетеді, осыдан кейін депозит ашуға әбден болады. Бұл сервис карантин кезінде өте танымал болды. Біз дәл осындай тәсілмен 77 мың депозит аштық. Бұл биыл ашылған депозиттер санының 20 пайызы. Қыркүйек айында біз call-орталықтың көмегіне жүгінбей, ЖССБ24 қосымшасы арқылы депозит аша алатын сервисті іске қостық.

Мұнда да қызметкер биометрия арқылы сәйкестендіруден өтеді. Егер сіз қосымшаны жүктеп алып, ашсаңыз, «Клиент болу» батырмасы пайда болады. Батырманы басқан соң клиент бола аласыз. Бұл қызмет те тез танылды. Қыркүйектен бастап біз 8 мыңға жуық депозит аштық. Осы ретте біз бұл сервистерді мүлдем жарнамаламадық, олар «сарафанды радио» қағидаты бойынша тарап кетті», - деді «Отбасы банк» АҚ Басқарма төрағасының орынбасары Нұрлан Ақшанов.

Сонымен қатар, басқарма төрағасы орынбасарының айтуынша, келесі жылға Банктің ипотекалық қарыздарын онлайн рәсімдеуді енгізу жоспарланған. Қазір зейнетақы жинақтарын пайдалану бойынша онлайн-платформаны іске қосуға дайындық жүргізілуде.

«Жеткіліктілік шегі бар мұндай адамдар бүкіл Қазақстан бойынша 700 мыңнан асады. Біз адамдардың бұл массасы 1 қаңтардан бастап «Отбасы Банкіне» келеді деп ойламаймыз. Қазірдің азамат кіріп, тиісті ақшаны пайдалану үшін қол жетімді мақсаттармен танысатын, оның алуына болатын қаражат сомасын білетін белгілі бір портал құрылып жатыр, бірақ оның әлі атауы жоқ.

Азамат ол жерде көрсетілген мәліметтер бойынша тиісті ақшаны аударуға, салыққа қатысты өтініш бере алады. Ол мұнда мақсатты пайдалануға кепілдік беретін құжаттарды қоса жібереді. Бұл құжаттардың барлығы осы портал арқылы БЖЗҚ-ға жіберіледі.

БЖЗҚ көрсетілген деректемелер бойынша ТҚЖБ-ға арнайы салымға осы соманы аударады, ал ТҚЖБ клиент көрсеткен шоттарға аударады. Бұл ақшаны мақсатты пайдалану үшін азаматтың 45 жұмыс күні болады. Егер ол 45 күн ішінде ақшаны өзі мәлімдеген мақсат бойынша пайдаланбаса, ақша БЖЗҚ-ға өзінің жеке шотына қайтарылады», - деп хабарлады «Отбасы банк» АҚ Басқарма төрағасының орынбасары Нұрлан Ақшанов.

«Отбасы банк» АҚ зейнетақы шотынан ақшаны жер учаскесін сатып алуға, өз үйін салуға, тұрғын үй сатып алуға бастапқы жарна ретінде пайдалану үшін, сондай-ақ қолданыстағы ипотеканы толық немесе ішінара өтеуге алуға болатынын еске салды.