Қырғызстан мен Қазақстан шекарасында екі өткізу бекеті ашылды

Қырғызстан мен Қазақстан шекарасындағы "Кен-Булун - автожол" және "Токмақ - автожол" өткізу бекеттерінің қызметі адамдар мен транспорттық құралдарды өткізу үшін қайта жанданғаны белгілі болды. Бұл туралы АКИpress елдің шекара қызметіне сілтеме жасап хабарлады.

Қазіргі уақытта мемлекеттік шекараның қырғыз-қазақ бөлігінде 5 бақылау-өткізу пункті жұмыс істейді (Шу облысында 4 және Таласта 1).

"Ақ-Тілек - автожол", "Чалдыбар - автожол", "Чон-Капка - автожол" өткізу бекеттерінде азаматтар мен жүк транспорттық құралдарын өткізу жүзеге асырылады.

"Кен-Булун - автожол" өткізу бекеті азаматтар мен транспорттық құралдар үшін, сондай-ақ Қырғызстаннан Қазақстанға бос жүк көліктерінің өтуі үшін ашық.

"Токмақ -автожол" өткізу бекеті тек азаматтар мен транспорттық құралдар үшін ғана ашық. Бұл бекет арқылы жүк пен тауар өткізу жүзеге асырылмайтыны атап өтілген.

Жүк пойыздарының өтуі "Қайыңды - теміржол" өткізу бекеті арқылы жүзеге асырылады.

Шекара бекеттері штаттық режимде жұмыс істейді.

Еске сала кетсек, БҚО санитарлық-эпидемиологиялық бақылау департаментінің ресми сайтында өңірлік бас санитар дәрігерінің жаңа қаулысы жарияланды. Осыған байланысты бірнеше карантиндік шектеулер жеңілдетіледі.

Құжатқа сәйкес, БҚО-да театрлар мен мәдени орталықтардың жұмысы қайта жанданады (жеке, топтық дайындықтарға бір мезетте 30-дан артық адам қатыспауы, сондай-ақ келуішлер саны жалпы отыратын орынның 20 пайызынан аспауы керек).

Мәтіннен қате тапсаңыз, бізге жазыңыз