RU

Нұр-Сұлтанда 21 мектеп карантинге жабылды

Қаламмен жазып жатыр
Көрнекі фото: Pexels.com

Нұр-Сұлтан қаласының бас мемлекеттік санитарлық дәрігері Сархат Бейсенова елорданың білім беру ұйымдарындағы коронавирус статистикасын айтып берді. Оған сәйкес елордада 21 мектеп карантинге жабылғаны белгілі болды деп хабарлайды ҚазАқпарат.

«2021 жылдың 22 ақпанындағы жағдай бойынша жаңа оқу жылы басталғаннан оқушылар арасында КВИ 1017 жағдайы тіркелген, оның ішінде кезекші сынып оқушылары арасында 232 немесе 22,8%, қашықтан оқыту бойынша оқушылар арасында – 785 жағдай, яғни 77,2%. 79 мектеп карантинге жабылды, қазіргі уақытта 21 мектепте карантин жалғасуда» , - деді Сархат Бейсенова Нұр-Сұлтан қаласының әкімдігі ұйымдастырған онлайн-брифингте.

Студенттер арасында КВИ-дің 174 жағдайы тіркелді, колледж студенттері арасында – 35, ЖОО студенттері арасында – 139. Оның ішінде оффлайн форматта оқитындар арасында – 10, 6 жағдай – ЖОО студенттері арасында және 4 жағдай – орта оқу орындарының студенттері арасында анықталған.

«Мектепке дейінгі балалар ұйымдарына баратын 94 балада КВИ анықтады. Қазіргі уақытта 907 үй ошағы бар, 2260 қарым-қатынаста болғандар медициналық бақылауда» , - дейді С. Бейсенова.

Айта кетейік, елімізде әлі де коронавирус инфекциясы таралып жатыр. Өткен тәулікте республика аумағында қауіпті дерт тағы 700 адамнан анықталды. Олардың ішінде 101 науқас Алматы қаласынан шықты.

Мақаланың түпнұсқасы: https://kaz.nur.kz/society/1900166-nur-sultanda-21-mektep-karantinge-zabyldy/