RU

Марина Чейшвили: «Мен Қазақстанның құрметті азаматы» жобасына дейін ешқашан ештеңе ұтқан емеспін

Марина Чейшвили
Фото: Пресс-служба BI Group

Қазір елімізде өтіп жатқан «Құрметті азамат» байқауының екі жеңімпазына марапат ретінде пәтерлер беріледі. Бұл атақты қалай иелену керек, кімді лайықты деп санауға болады?

Біз BI Group компаниясы өткізген бірінші байқаудың жеңімпазы Марина Чейшвилиге қонаққа бардық. Ол өзінің жеңісі туралы айтты. Дауыс берудің жеңімпазының жобаға қатысудан бас тартуы туралы шешім қабылдаған эпизодты да есіме түсірдім.

Көптеген қазақстандық Маринаның өмір тарихын біледі. Лейкемия ауруы ұлы Амирамды алып кетті, бірақ біздің кейіпкеріміз өмірге деген сүйіспеншілігін және адамдарға көмектесуге деген жанашырлығын еш жоғалтпады. Ол ұлы емделген Трансплантология және онкология орталығына әлеуметтік қызметкер ретінде жұмысқа орналасады. Сөйтіп қан ауруымен күресіп жатқан адамдарға көмектесе бастады. Бұл аурудың тууына негізінен зиянды әдеттерден, дұрыс тамақтанбаудан немесе қоршаған ортадан гөрі психологиялық аспектілер үлкен рөл атқарады. Маринаның ұзақ жылғы тәжірибесі осыны дәлелдейді.

Достойный гражданин
Фото: пресс-служба BI Group

«Менің балаларым маған қарсы дауыс берді»

Марина бір күні өзінің кандидатурасы «Қазақстанның құрметті азаматы» байқауына қатысуға ұсынылғанын біледі, оны үміткерлердің қысқа тізіміне енгізіпті! Айтпақшы, оған бірнеше рет осындай іс-шараларға қатысуға ұсыныс жасалған, бірақ ол әрдайым бас тартатын еді. BI Group тарихында оны адамдардың өздері ұсынған әрі қазылар алқасы оның өтінімін күтпей-ақ таңдауын жасады.

Бір күні Марина байқау өтетін сайтқа кіріп, өзінің, үміткерлердің ондығының басында тұрғанын көрді. Бұл ретте барлық финалист, шынымен де, лайықты еді. Марина олардың әрқайсысы туралы түсірілген бейнероликті көрді, тіпті әлеуметтік желілерде олар туралы жазбалар да жазды.

Содан кейін ол балаларынан өздері лайықты деп тапқан адамдарға дауыс беруін сұрады.

«Үшеуінің ешқайсысы маған дауыс берген жоқ», - деп күлді ол, бірақ ол балаларына ренжімейді, керісінше, мақтан тұтады.

Олар адалдықты сақтай білді және оны анасы болғандықтан таңдамады. Ол сондай-ақ туыстарының немесе науқастардың ешқайсысынан оған дауыс беруін сұраған жоқ. Мұны пациенттердің бірі - ірі компанияның қызметкері білгенде, ол барлық әріптесі оған дауыс беретінін айтты, бірақ Марина мұндай жақсылықтан бас тартты.

Конкурс
Фото: пресс-служба BI Group

Барлығының көңілінен шығу мүмкін емес

Финал жақындаған сайын құмарлық та күшейе түсті. Біреулер дауыс беруге түсіп жатқан, Маринамен достық қарым-қатынастағы Мұрат Қабылбаевпен әдейі бәсекелестеруге тырысты. Ол енді өзі туралы қауесеттерді оқымау үшін Фейсбукке де кірмеді. Алайда «мейірімді жандар» хабарламаларды WhatsApp-қа жіберіп отырды. Солардың бірі анасының жүрегін ауыртады. Оған «баласының өлімі туралы жарнамалап жүр» деген айып тағылды. Отбасылық кеңесте жарыс жеңімпазы байқауға одан әрі қатысудан бас тартуға шешім қабылдады, бұлайша алынған пәтер бақыт әкелмейді деп есептеді.

Бұл шешім көпшілікті дүр сілкіндірді

«Адамдарға ешқашан жаға алмайсыз және бәріне ұнау мүмкін емес. Сіз, шынымен де, өзіңізге сенген адамдар мен еліңізді бір-екі жеккөрушілердің кесірінен жерге қаратасыз ба?! Пәтерді, шынымен де, лайықтыларға береді деген әділеттіліктің салтанат құрғанын күткен адамдарды жерге қаратасыз ба?!», - деп сұрады біреу одан.

Достарынан, әріптестерінен, қамқор қазақстандықтардан жобаға оралу туралы өтініштер көбейіп, қоңырау шалушылар көбейе бастады. Нәтижесінде Марина байқауға қатысуға шешім қабылдады. Шындығында, байқау кезінде ол ең маңызды іс - науқастарға көмектесу мәселесіне қатты назар аударып, әлеуметтік желілерден мүлдем бас тартты.

«Мен Қазақстанның құрметті азаматы»
Фото: пресс-служба BI Group

Барлығының көңілінен шығып, ымыраға келу

2016 жылдың 25 желтоқсанында түнгі сағат 1-де «Қазақстанның құрметті азаматы» жобасының дауыс беру қорытындысы шығарылды. Отбасын телефон қоңырауы оятады. Маринаға композитор, «Ғажайыптарға сен» әнінің авторы Гүлнара Дали бірінші болып қоңырау шалып, қуанышты жаңалықты жеткізеді, Марина жеңімпаз болды! Содан кейін үш сағат бойы қоңыраулар үздіксіз жалғасты. Содан кейін Марина BI Group компаниясының екі жеңімпазға екі пәтер сыйға тартуға шешім қабылдағанын білді. Осылайша, Марина да, Мұрат та жеңімпаз атанады.

Мейірімділік жеңеді

Сыйға берілген пәтермен іс біткен жоқ. Ғажайып ертегідегідей басқа да көмек пен сыйлықтар қарша борады. Осылайша, BI Group кафель тақтайшалар мен басқа да құрылыс материалдарына сертификаттар сыйлады. Фейсбуктағы достары Маринаның ұзақ жылдар бойы жалдап келген бір бөлмелі пәтерінен заттарын алып келеді.

9 наурызда «Үлкен қала тарихы» бағдарламасының эфирінде тағы да бір керемет оқиға болды. Марина қатты ауырып жатқан ұлына тез жету үшін аялдамада тұрып, автобусты қалай күткенін айтып берді және бірнеше жылдан кейін де өзін күтетін науқастарға ауруханаға тез жету үшін әлі де аялдамада тұратынын жеткізді. Бұған кәсіпкер Бауыржан Қасымбергаев көңілін аударып, Маринаның аялдамаларда автобус күтіп тұрғанын қаламайтынын айтты және жомарттығын көрсетіп, Маринаға көлік сыйлады. Оқытушы Максим Николайчук ерікті болып, Маринаға көлік жүргізу курсын сыйға тартты! Міне, осындай жақсылықтар мен кереметтер тізбегі Маринаға қуаныш сыйлады. Марина осы адамдардың барлығына ризашылығын білдіріп және барлығына алғысын жаудырды!

Кереметтерге сеніңіз

Мәскеу бір күнде салынған жоқ, Маринаның пәтері ақырындап әдемі әрі жайлы баспанаға айналды. Үй иесі жақында асүй жиһазын сатып алды. Чейшвилилердің үйінде қазір бәрі бар, бірақ ең бастысы - махаббат пен бақыт. Ол үш баласымен бірге «Арнау» тұрғын үйінде тұрады және олардың төрт үй жануары бар. Марина қазір Қарағанды ауруханасында жұмыс істейді. Пандемия кезінде қашықтан онлайн жұмыс істеу қалыпты жағдайға айналды және Марина оны табысты жүзеге асырады.

Ол «Қазақстанның құрметті азаматы» екінші байқауының қатысушыларын сенім білдіруге шақырады. Болатын ғажайыптарға сенім білдіру! Маринаның басынан кешкені осыған дәлел.

Естеріңізге сала кетейік, қазір «Қазақстанның құрметті азаматы» жобасына қатысу үшін үміткерлерді ұсыну жүріп жатыр. 23 ақпан - соңғы күн. Байқау туралы қосымша ақпаратты bi-azamat.kz сайтынан алуға болады.

*Ақпарат BI Group қолдауымен дайындалған.

Мақаланың түпнұсқасы: https://kaz.nur.kz/society/1900212-marina-ceisvili-men-qazaqstannyn-qurmetti-azamaty-zobasyna-deiin-esqasan-estene-utqan-emespin/