Алматыда коронавирустың өршуіне байланысты жаңа қаулы шығарылды

Алматы қаласының бас мемлекеттік санитар дәрігері Жандарбек Бекшин 2 сәуірде коронавирустық инфекцияның таралуын шектеу шараларын күшейту туралы жаңа қаулыға қол қойды. Құжат қалалық санитарлық-эпидемиологиялық бақылау департаментінің ресми сайтында жарияланды.

Қаулы сенбі, 3 сәуірде күшіне енді. Бүгінгі күннен бастап студенттер мен оқушылар 2020-2021 оқу жылының соңына дейін қашықтықтан оқытуға ауыстырылды.

Азық-түлік дүкендері, шағын базарлар, үй жануарлары дүкендері сағат 6.00-ден 24.00-ге дейін жұмыс істей алады.

Азық-түлік сатпайтын дүкендерге, мектептен тыс үйірмелерге келушілерді сағат 10.00-ден 20.00-ге дейін қабылдауға рұқсат етіледі.

Супермаркеттердің, гипермаркеттердің және сауда желілерінің жұмыс режимі орнатылды - 6.00-ден 2.00-ге дейін.

Сауда-ойын-сауық орталықтары, сауда үйлері тек жұмыс күндері сағат 10.00-ден 22.00-ге дейін жұмыс істейді, демалыс күндері олардың қызметіне тыйым салынады.

Ашық және жабық азық-түлік базарларына жұмыс күндері мен сенбіде жұмыс істеуге рұқсат етіледі. Жексенбіде олар жабық болуы тиіс.

Жабық әмбебап базарлар демалыс күндерінде жабық болуы тиіс, ал жұмыс күндері жұмыс істей алады.

Тамақтану орындары мен тамақтану алаңдарының жұмысына жұмыс күндері сағат 10.00-ден 22.00-ге дейін жұмыс істеуге рұқсат етіледі, демалыс күндері кафе мен мейрамханалардың қызметіне тыйым салынады.

Шаштараздар мен сұлулық салондары клиенттерді тек жазылу бойынша қабылдай алады.

Қаулының толық мәтінімен сілтеме арқылы өтіп, таныса аласыз.