RU

"Өлім-жітім қаупі жоғары": Коронавирустың жаңа штамдары қаншалықты қауіпті

Фото
Көрнекі фото: Қорғаныс министрлігінің баспасөз қызметі

Үкімет отырысында денсаулық сақтау министрі Алексей Цой коронавирустың жаңа штамдарының қаупі туралы айтты деп хабарлайды Қазақпарат.

Цойдың сөзінше, әлеменің 130 елінде анықталған "британиялық" штамм мен 80 елде анықталған "Оңтүстік-африкалық" штамм Қазақстанда да тіркелген.

"Жаңа мутацияларды анықтау мақсатында біз республка аумағында айналымда жүрген коронавирус штамдарын генетикалық зерделеуді тұрақты негізде жүргізіп жатырмыз. Мәселен, наурызда республика аумағында "британиялық" және "Оңтүстік-африкалық" штамдардың айналымы анықталды", - дейді министр.

Цойдың айтуынша, таяуда жүргізілген зерттеулерге сәйкес, коронавирустың "британиялық" штамы бастапқы штамға қарағанда қауіпті. Оны жұқтырған адамдардың аурухана жатуы көбірек кездеседі әрі өлім-жітім қаупі де жоғары.

"Бразилиялық" штамм өлім-жітімге көп алып келе бермейді. Дегенмен, ол COVID-19-дың бастапқы штамына қарағанда жеңіл таралады. Сонымен қатар коронавирустың "британиялық" штамы өткен жылғы штамен салыстырғанда 1,7 есе, "Оңтүстік-африкалық" штамға қарағанда, 1,5 есе, ал "бразилиялық штамға" қарағанда екі есе жылдам таралады. Бұған қоса, репродуктивтілік саны 1,1-ден 1,9-ға дейін артуы мүмкін. Бұл аталған штамдардың біртіндеп басым бола түсуіне алып келеді", - дейді ол.

Сонымен қатар денсаулық сақтау министрі үкіметтің 2020 жылдан бастап қабылдаған шектеу іс-шаралары алты ай бойы вирустың жаңа штамдарының елімізде таралмауына тосқауыл бола алғанын жеткізді.

Оның сөзінше, жаңа штамдарға қатысты мониторинг жұмыстары жалғасып жатыр.

Мақаланың түпнұсқасы: https://kaz.nur.kz/society/1906485-koronavirustyn-zana-stamdary-qansalyqty-qauipti-ministr-pikir-bildirdi/