Тұман, көктайғақ: Қазақстанның бірнеше өңірінде дауылды ескерту жарияланды
Опубликовано:
Қазгидромет мамандары 7 сәуірге арналған ауа райы болжамын жасап, бірнеше өңірде дауылды ескерту жариялады деп хабарлайды KAZ.NUR.KZ ведомствоның баспасөз қызметіне сілтеме жасап.
7 сәуірде Солтүстік Қазақстан облысының кей жерлерінде тұман, көктайғақ күтіледі. Петропавл қаласында тұман түседі.
Қостанай облысының кей жерлерінде тұман, көктайғақ күтіледі. Күндіз оңтүстік-шығыстан жел соғады, күші кей жерлерде 15-20 м/с жетеді.
Ақмола облысында кей жерлерде тұман болуы ықтимал. Көкшетау қаласында түнде және таңертең тұман күтіледі.
Батыс Қазақстан облысының кей жерлерінде тұман түседі. Жел батыстан, оңтүстік-батыстан соғады, кей жерлерде 15-20 м/с. Оралда түнде және таңертең тұман күтіледі.
Ақтөбе облысында оңтүстіктен, оңтүстік-батыстан жел соғады, кей жерлерінде 15-20 м/с күтіледі.
Түнде 7 сәуірде Атырау облысында кей жерлерде оңтүстік-батыстан жел соғады, күші 15-20 м/с. Атырау қаласында түнде оңтүстік-батыстан жел соғады, екпіні 15-18 м/с.
Еске сала кетсек, бұған дейін синоптиктер 2021 жылдың сәуір-қазан айларына арналған консультативтік маусымдық ауа райы болжамын жасаған болатын.
Маусым айында елдің басым бөлігінде жауын-шашын мөлшері климаттық нормадан аз болады деп болжануда.
Шілдеде елдің шығыс жартысында орташа ауа температурасы нормаға жуық болады. Ал тамыз айында жауын-шашын мөлшері елдің басым бөлігінде нормадан жоғары болады деп болжанып отыр.
Мақаланың түпнұсқасы: https://kaz.nur.kz/society/1906614-tuman-koktaigaq-qazaqstannyn-birnese-onirinde-dauyldy-eskertu-zariyalandy/