Алматы полицейлері ұрылар тобын ұстау операциясын іске асырды (фото)

Оңтүстік астана полициясы қала аумағында тонаушылықпен айналысқан ұрылар тобын залалсыздандырды. Оларды ұстау операциясы кеше түнде өткен деп хабарлайды ІІМ ресми сайты Polisia.kz.

Құқыққорғау органдарының мәліметінше, арнайы іс-шара нәтижесінде бес адам тұтқындалған. Ұсталған азаматтардың барлығы Жамбыл мен Алматы облысының тұрғындары болып шықты.

Олардың ең үлкені 38 жаста, кішісі 26 жаста. Бұған дейін олар мүліктік қылмыстар үшін жауапқа тартылған.

"Қаскөйлердің соңғы “ісі” Бөкейханов көшесіндегі уақытша сақтау қоймасының кеңсесіндегі ұрлық болды. Терезені қысу арқылы олар ғимаратқа жасырын түрде кіріп, сол жерден жалпы сомасы 500 мың теңгеден асатын мүлікті жымқырған. Белгіленгендей, ұсталғандар мекемеге “ұрлыққа” келмес бұрын бірнеше күн бұрын келген: олар бейнебақылау камераларының орналасуын тексеріп, зерттеді.

Жедел-іздестіру іс-шаралар кешені күдіктілердің есебінде тек бір ғана ұрлық емес екенін дәлелдеді. Ұсталғандардан олар мініп жүрген екі автокөлік және ірі көлемдегі ақша тәркіленді" , – деп хабарлады, Алматы қалалық полиция департаменті бастығының орынбасары Берік Әбілбеков.

Ұсталғандар уақытша ұстау изоляторына қамалды. Қылмысқа қатысты басқа да сыбайластарды анықтау, сондай-ақ, заттай дәлелдемелерді іздеу және тәркілеу бойынша жұмыстар жалғасуда. Сонымен қатар, жоғарыда аталған адамдардың осыған ұқсас қылмыстарға қатыстылығы тексерілуде.