Ертең Қазақстанда ауа райы қандай болады

Синоптиктер ертең, 19 сәуірде елімізде ауа райы қандай болатынын хабарлады деп жазады "Қазгидромет" РМК.

Ауа райын болшаушылар ұсынған ақпаратқа сәйкес, циклон жырасы солтүстік-шығысқа ығысады және онымен байланысты фронталды бөліктердің өтуімен солтүстікте кей жерлерде жауын-шашын, шығыста кей жерлерде қатты жауын-шашын (жаңбыр, қар), оңтүстік-шығыста кей жерлерде найзағаймен жаңбыр жауады.

Циклон артынан Скандинавия аралынан суық антициклон келіп, еліміздің солтүстік, солтүстік-батыс және шығыс аймақтарында ауа температурасы төмендеуі ықтимал.

"Кей жерлерде тұман, желдің күшеюі, еліміздің солтүстік бөлігінде кей жерлерде көктайғақ, жаяу бұрқасын болады", - деді синоктиктер.