Биыл Қазақстан мектептеріндегі соңғы қоңырау қалай өтеді

Білім және ғылым министрі Асхат Аймағамбетов ведомство аппаратының жиналысында биыл мектеп түлектері үшін соңғы қоңырау қалай өтетінін айтты деп хабарлайды KAZ.NUR.KZ.

Асхат Аймағамбетов соңғы қоңырау 25 мамырда дәстүрлі форматта тек 9 және 11 сынып түлектері үшін соғылатынын айтты, өйткені олар ағымдағы оқу жылының үшінші тоқсанынан бастап оффлайн режимінде оқып келеді.

"Соңғы қоңырау шарасын 9 бен 11 сынып оқушыларына, санитарлық талаптарды қатаң сақтай отырып, ашық алаңда өткізуге рұқсат беруді жоспарлап отырмыз", – деді Аймағамбетов ведомство аппаратының жиналысында.

Осыған байланысты ол мектеп директорларын, білім басқармалары мен білім бөлімдерін аталған іс-шараларды барлық санитарлық-эпидемиологиялық талаптарға сай ұйымдастыруға шақырды.

Оған қоса, мектеп аумағында және ғимаратында әлеуметтік қашықтықты сақтауға мүмкіндік беретін таңбалауға тек бір ата-ана немесе заңды өкіл қатыса алады. Сондай-ақ, бетперде режимін сақтау қажет.

Онлайн форматта оқитын балалар үшін соңғы қоңырау онлайн форматта соғылады.

Еске салсақ, 4 мамыр күні білім және ғылым министрлігінің аппараттық кеңесінде 2020-2021 оқу жылында жазғы мектепті ұйымдастыру мәселелері бойынша түсініктемелер берілді.

Осы орайда мұғалімдердің жазғы демалыс ұзақтығы еш өзгеріссіз қалды.

"Педагогтер әдеттегідей жазда 56 күн демалады. Барлық жұмыс заң аясында, құқықтық нормаларды сақтай отырып ұйымдастырылады", – деді Асхат Аймағамбетов.