Top.Mail.Ru

Сайт нұсқасы

ru kz

Зектілері

ШҚО-да ірі мөлшерде пара алды деп айыпталған экс-әкім сотталды

Опубликовано:

1
Видеодан кадр: Сыбайлас жемқорлыққа қарсы агенттік

ШҚО-да Қылмыстық кодекстің 366-бабы 2-бөлігі бойынша (Iрі мөлшерде пара алу) айыпталған Аягөз қаласының әкімі Қуаныш Азыхановтың ісі бойынша сот процесі аяқталды. Сот үкімі шықты деп хабарлайды KAZ.NUR.KZ аудандық соттың баспасөз қызметіне сілтеме жасап.

Тергеу мәліметтері бойынша, шенеунік 2020 жылдың 16 және 17 қыркүйегінде мердігер ұйымнан 1,2 млн теңге көлемінде пара алған және оның орнына су тасқыны кезінде зардап шеккен тұрғын үйлерді қалпына келтіру туралы орындалған жұмыстардың актілеріне қол қоюы керек болған.

Қолма-қол ақшаны алғаннан кейін ол жұмыс орнында ұсталған. Процесс барысында айыпталушы кінәсін мойындамай, соманы қарызға алдым деп сендірген.

Прокурор сотталушыны 5 жылға бас бостандығынан айыруды сұрады.

Сот кінәнің куәгерлердің айғақтарымен, жасырын тергеу әрекеттерінің нәтижелерімен, сөйлесулердің транскрипттерімен, бейнежазбалармен дәлелденгенін анықтады.

"Сотталушының ақшаның қарызға алынғаны туралы дәлелдері куәгердің айғақтарымен теріске шығарылды, ол ақшаның орындалған жұмыс актілеріне қол қойғаны үшін берілгенін растады", - деп атап өтті Аягөз аудандық сотының баспасөз қызметі.

Сот қылмыстық жауапкершілікті жеңілдететін жағдайларды анықтаған жоқ, бірақ ауырлататын жағдайларды тапты. Бұл қабылданған антты бұзған адамның қылмыс жасауы.

Нәтижесінде бұрынғы қала басшысы мемлекеттік қызметте қызмет атқару құқығынан өмір бойына айырла отырып, 4 жыл 5 айға бас бостандығынан айырылды.

Үкім заңды күшіне енген жоқ.

Мақаланың түпнұсқасы: https://kaz.nur.kz/society/1914717-sqo-da-iri-molserde-para-aldy-dep-aiyptalgan-eks-akim-sottaldy/

pixel