RU

Цой: Егер вакцинациядан кемінде бір өлім дерегі тіркелсе, оны тоқтатуды ұсынамыз

Фото
Көрнекі фото: NUR.KZ/Петр Карандашов

Денсаулық сақтау министрі Алексей Цой қазақстандықтар неліктен вакцинацияға сенбейтіндігін және коронавирусқа қарсы вакцинациядан кейін ауру жұқтыру мүмкін еместігін айтты. Сонымен қатар, ол вакцинациядан кейінгі өлімдердің вакцинациямен байланысы бар-жоғын айтты деп хабарлайды KAZ.NUR.KZ.

Бұл туралы министр Нартай Аралбайұлының YouTube арнасындағы сұхбатында айтты.

"Әрине, сенім артпау бар, оған қоса тек Қазақстанда ғана емес, алайда бұл күн өткен сайын азайып келеді. Қазіргі уақытта әрбір оныншы қазақстандық вакцина салдырды, бұл қазірдің өзінде сенім элементі болып табылады", – деді министр.

Оның айтуынша, коронавирусқа қарсы вакцина қазақстандықтар өмір бойы алатын жиырмаға жуық вакцинамен бірдей. Оның айтуынша, коронавирусқа қарсы вакцинация ұқсас қағидаларға сәйкес жасалған. Ауыру және аурудың асқыну мүмкіндігі вакцинадан кейінгіге қарағанда мың есе көп. Цой вакцинациядан кейінгі асқыну қаупі шамалы екенін айтты.

"Адам вакцина алып, қайтыс болатын жағдайлар сәйкес келетін сәттер көп болатынын түсіну маңызды. Комиссия әр жағдайды жеке-жеке тексеріп, олардың арасында қандай да бір байланыс бар-жоғын анықтайды.

Бірақ бір мысал келтірсем, коронавирусқа дейін күн сайын 5 адам инсульттан, 7 адам инфаркттан қайтыс болды. Қазір вакцина салдыратын адамдар саны күн сайын артып жатыр. Кездейсоқтық болуы мүмкін, өкінішке орай, күн сайын адамдар тұқым қуалайтын аурулар, стресс, қан қысымы секілді түрлі аурулардан қайтыс болады. Егер вакцинациядан қайтыс болудың кем дегенде бір жағдайы тіркелсе, біз вакцинацияны тоқтатуды ұсынамыз. Бірақ қазіргі уақытта біз тікелей байланыс жоқтығын көріп отырмыз", – деді Цой.

Мақаланың түпнұсқасы: https://kaz.nur.kz/society/1914802-coi-eger-vakcinaciyadan-keminde-bir-olim-deregi-tirkelse-vakcinaciyany-toqtatudy-usynamyz/