Алматының бас санитар дәрігері Жандарбек Бекшин жаңа қаулыға қол қойды

Бүгін, 5 маусымда Алматы қаласының бас мемлекеттік санитар дәрігері Жандарбек Бекшин карантин туралы жаңа қаулыға қол қойды. Бұл туралы ол өзінің Facebook парақшасында хабарлады.

Жандарбек Бекшиннің хабарлауынша, шектеу шараларын енгізу туалы қаулы Қазақсанның бас мемлекеттік санитар дәрігерінің қаулысында бекітілген өлшемдерге сәйкес қабылданған.

Шектеулер екі топқа бөлінген: "Ashyq" жобасының қатысушылары емес нысандар үшін және осы жобаға қатысатындар үшін.

"Қаулы 8 маусым күні, яғни қаланың сары аймаққа өткеніне 7 күн болғаннан кейін күшіне енеді. Әлеуметтік-экономикалық объектілердің қызметін шектеу критерийлері қоса беріледі", - дейді Алматының бас санитар дәрігері.