Еліміздің синоптиктері шілде айына арналған ауа райы болжамын жасады. Мамандар болжамы Қазгидромет сайтында жарияланған.
Шілде айында ауаның орташа айлық температурасы республиканың басым бөлігінде нормадан 1-2° жоғары, еліміздің солтүстік жартысында норма шамасында болады деп күтілуде.
Ай бойы Қазақстан аумағы бойынша ауа райының антициклоналды түрі басым болады деп болжанады, ыстық және жауын-шашын аз болуы күтілуде, тек жекелеген күндері циклондардың өтуімен қысқа мерзімді найзағаймен жазғы жаңбыр күтіледі, желдің 15-25 м/с күшеюі болжанады.
Республиканың батысында шілде айының бірінші онкүндігінде ауа температурасының біртіндеп төмендеуі болжанады, түнгі сағаттарда термометр бағаналары +19+28°С-тан +12+23°С-қа дейін, күндіз +30+38°С, оңтүстік-батыста +41°С-тан +24+32°С-қа дейін төмендейді.
Қазақстанның солтүстік-батысында, солтүстігінде және орталығында ауа температурасы келесі шектерде сақталады: түнде +15+25°С, күндіз +33+38°С, кей жерлерде +41°С; еліміздің оңтүстік жартысында - түнде +20+30°С, күндіз +37+45°С, таулы аудандарда +30°С, бірінші онкүндіктің соңында ауа температурасының 10-15°С төмендеуі болжанады.
Ыстық ауа райы ҚР шығысына жетеді ауа температурасы түнде +12+20°С-тан +20+28°С-қа дейін, күндіз +27+35°С-тан +33+41°С-қа дейін жоғарылайды, онкүндіктің соңында ауа температураның 7-10°С-қа төмендеуі болжанады.
Бірінші онкүндікте қысқамерзімді найзағаймен жазғы жаңбыр, желдің күшеюі (дауыл, шаңды дауыл) айдың басында еліміздің батысында және солтүстік-батысында, 05-07 шілдеде Қазақстанның солтүстігі мен орталығында, онкүндіктің аяғында оңтүстік және шығыс бөліктерінде болуы мүмкін.
Шілде айының екінші онкүндігінің басында алдымен ҚР батысы мен солтүстік-батысында ауа температурасының жоғарылауы болжанады, содан кейін онкүндіктің ортасынан республиканың барлық аумағында температуралық фонның жоғарылауы болжанады.
батыста және солтүстік-батыста: түнде +22+30°С-қа дейін, күндіз +33+43°С-қа дейін;
солтүстікте, орталықта және шығыста: түнде +15+23°С-қа дейін, күндіз +28+39°С-қа дейін;
оңтүстік және оңтүстік-шығыста: түнде +18+27°С-қа дейін, күндіз +35+43°С-қа дейін;
Үшінші онкүндікте еліміздің оңтүстік бөлігінде ауа температурасының түнде +10+17°С-тан +17+25°С-қа дейін, күндіз +22+33°С-тан +30+38°С-қа дейін, солтүстік жартысында түнде +5+13°С-тан +13+20°С-қа дейін, күндіз +18+26°С-тан +26+33°С-қа дейін ауытқуы күтіледі.
Мақаланың түпнұсқасы: https://kaz.nur.kz/society/1920411-qazaqstanda-silde-aiynda-aua-raiy-qandai-bolady/
