RU

Алматыда жекеменшік үйде интимді массаж жасап жатқан қыздар ұсталды (видео)

Көрнекі
Көрнекі фото: pexels.com

Алматыда жеке үйдің атын жамылып жұмыс істеген интимді массаж салоны анықталды деп хабарлайды Polisia.kz.

Басылым дерегінше, ғимарат Алматы қаласының Медеу ауданында орналасқан.

Бұл жағдайға қатысты Алматы қалалық полиция департаменті Криминалдық полиция басқармасының бастығы Қуатбек Науатов пікір білдірді.

"Түнгі сағат он шамасында тексеру кезінде жұмыс орнында клиенттерге интимдік қызмет көрсететін алты массаж жасайтын қыздар мен әкімші болды. Бұл әйелдер – біздің отандастарымыз, Алматы және Батыс Қазақстан облыстарынан келген қонақтар. Қызметкерлердің ең үлкені – 28-де, кішісі – 19-да. Салонның әр қызметкерінің жеке басын тексеру үшін оларды АПБ-на жеткізді.

Массаж салонының иесіне қатысты жезөкшелікпен айналысуға арналған жезөкшелер үйін ұстауға қатысты Қазақстан Республикасы Әкімшілік құқықбұзушылық туралы кодекстің 450-бабы "Көрінеу жезөкшелікпен айналысу немесе жеңгетайлық үшін үй-жайлар ұсыну" бойынша материал жинақталды және шешім қабылдау үшін сотқа жіберілді", – деп түйіндеді Қуатбек Науатов.

Мақаланың түпнұсқасы: https://kaz.nur.kz/society/1920447-almatyda-zeke-uide-intimdi-massaz-zasap-zatqan-qyzdar-zumys-ornynda-ustaldy-video/