RU

Air Astana ұшақ бортында болған қайғылы жағдайдың мән-жайын айтты

Ұшақ
Көрнекі фото: NUR.KZ/Петр Карандашов

Air Astana әуе компаниясы 9 шілде күні Шымкент-Алматы рейсін орындаған ұшақ бортында болған қайғылы жайтқа қатысты пікір білдірді деп хабарлайды KAZ.NUR.KZ тілшісі.

Әуе компаниясының мәліметінше, 9 шілде күні сағат 10.00-де Шымкенттен Алматыға KC 972 рейсін орындаған Air Astana ұшағы ұшқан. Борттың бизнес-класында 9 жасар баласы бар әйел отырған. Ұшу ұзақтығы 1 сағатты құрады.

"Баланың ауыр жағдайы және оның диагнозы туралы әуе компаниясына алдын-ала хабарланбаған. Анасы тек отырғызу кезінде, сонымен қатар баланың денсаулығы туралы ескертпестен орындық пен көмектесуді сұрады", - дейді Air Astana.

Әуе компаниясы ұшу кезінде кенеттен баланың ауырып қалғанын, оның бозарғанын айтты. Жолсерік хабарлама жасап, бортта дәрігерлердің бар-жоғын сұрады. Алайда медициналық қызметкерлер болмапты.

Содан кейін ережелерді сақтай отырып, экипаж алғашқы медициналық көмек көрсетті. Атап айтқанда, балаға оттегі берілді. Биіктіктің төмендеуі кезінде оның жағдайы одан әрі нашарлағаннан кейін дефибриллятор көмегімен жүрек-өкпе реанимациясы жасалды.

Әуе кемесінің командирі құқық қорғау органдарына хабарлай отырып, төтенше жағдай жариялады. Оның өтініші бойынша қонуға басымдық берілді. Жерде басқарманы жедел жәрдем дәрігерлері қарсы алды. Өкінішке орай, қанша күш салғанымен, бала қайтыс болды.

"Кейінірек баланың қатерлі ісік ауруы екені белгілі болды. Оқиғаны уәкілетті органдар тексереді. Аir Astana баланың туыстары мен жақындарына көңіл айтады. Әуе компаниясы басшылығы болған жағдайға қатты қайғырады", - дейді әуе компаниясы.

Осы ретте компания барлық экипаж алғашқы медициналық көмек көрсетуге дайындалғанын айта кетті. Әрбір ұшақтың ішінде құрамы қатаң регламенттелген медициналық құралдар мен дәрі-дәрмектер салынған алғашқы медициналық көмек қобдишалары бар.

Бұл жағдайда кейбір дәрі-дәрмектерді қолдануға дәрігердің нұсқауы бойынша ғана рұқсат етіледі. Ол үшін экипаж бортта дәрігерлердің бар-жоғын анықтау мақсатында хабарландыру жасайды. Сондай-ақ, жолаушылар компанияға ұшуға қарсы көрсетілімдер, ауыр сырқаттар мен адамдардың өмірі мен денсаулығына қауіп төндіретін жағдайлар туралы хабарлауға міндетті.

Мақаланың түпнұсқасы: https://kaz.nur.kz/society/1921993-air-astana-usaq-bortynda-bolgan-qaigyly-zagdaidyn-man-zaiyn-aitty/