RU

43 градус ыстық пен бұрқасын жел: Еліміздің бірқатар өңірінде дауылды ескерту жарияланды

Аптап ыстық
Көрнекі сурет: pixabay.com

"Қазгидромет" РМК синоптиктері 21 шілде күні еліміздің бірқатар өңірінде дауылды ескерту жариялады. Кей жерлерде аптап ыстық күтілсе, кей жерлерде бұрқасын жел мен бұршақ болады деген болжам бар.

21 шілдеде күндіз Қызылорда облысында солтүстіктен жел соғады, күші кей жерлерде 15-20 м/с дейін жетеді деп күтіледі. Өте жоғары өрт қаупі сақталады.

21-23 шілдеде күндіз Жамбыл облысының таулы және тау бөктерлі аудандарында найзағай, бұршақ, шаңды дауыл күтіледі. Оңтүстік-батыстан жел соғады, кей жерлерде екпіні 15-20 м/с болады деп күтіледі. 22-23 шілдеде күндіз облыстың басым бөлігінде 40 градусқа дейін қатты ыстық, төтенше өрт қаупі күтіледі. Тараз қаласында 21 шілдеде найзағай, бұршақ күтіледі. Оңтүстік-батыстан жел соғады, екпіні 15-20 м/с болады деп күтіледі. 22-23 шілдеде күндіз 38 градусқа дейін қатты ыстық күтіледі.

21 шілдеде күндіз Маңғыстау облысының кей жерлерінде найзағай, шаңды дауыл күтіледі. Солтүстік-батыстан жел соғады, күші кей жерлерде 15-20 м/с болады деп күтіледі.

21 шілдеде күндіз Ақтөбе облысында кей жерлерінде найзағай күтіледі. Желдің бағыты оңтүстік-шығыстан солтүстік-батысқа ауысады, найзағай кезінде екпіні 15-20 м/с дейін жетеді деп күтіледі. Ақтөбе қаласында 21 шілдеде күндіз найзағай күтіледі. Желдің бағыты оңтүстік-шығыстан солтүстік-батысқа ауысады, найзағай кезінде екпіні 15 м/с болады деп күтіледі.

Батыс Қазақстан облысының кей жерлерінде найзағай күтіледі. Күндіз 41 градус қатты ыстық сақталады. Кей жерлерде өте жоғары өрт қаупі сақталады. Орал қаласында күндіз 38 градус қатты ыстық сақталады.

21 шілдеде Шығыс Қазақстан облысының кей жерлерінде найзағай күтіледі. Күндіз кей жерлерде дауыл, бұршақ күтіледі. Жел солтүстік-шығыстан соғады, күші кей жерлерде 15-20 м/с дейін жетеді.

21 шілдеде Түркістан облысының тауларында найзағай күтіледі. Кей жерлерде шаңды дауыл күтіледі. Оңтүстік-батыстан жел соғады, кей жерлерде күші 15-20 м/с дейін жетеді. Кей жерлерде төтенше өрт қаупі сақталады.

Қостанай облысының оңтүстігінде 21 шілдеде күндіз 36 градусқа дейін қатты ыстық күтіледі. Облыстың оңтүстігінде төтенше өрт қаупі сақталады.

21-22 шілдеде Маңғыстау облысының оңтүстігінде күндіз 43 градус өте қатты ыстық сақталады.

Мақаланың түпнұсқасы: https://kaz.nur.kz/society/1923199-43-gradus-ystyq-pen-kusti-zel-elimizdin-birqatar-onirinde-dauyldy-eskertu-zariyalandy/