Бұрын еркек болған: 43 жастағы трансгендер Олимпиадада жеңіліп қалды (видео)

Олимпиада ойындары тарихында алғаш рет Жаңа Зеландиядан келген трансгендер әйел, 43 жастағы Лорел Хаббард жарыс жолынан шығып қалды деп хабарлайды hromadske.ua.

Спортшы 87 келіден жоғары салмақ дәрежесінде бақ сынады. Бірінші мүмкіндігі кезінде ол 120 келіні көтере алмаған.

Осыдан кейін Хаббард 125 келіні еңсеруге тырысып, тағы екі тәсіл жасады. Бірақ бұл әрекеттері де сәтсіз аяқталды.

Айта кетерлігі, 43 жастағы Лорел Хаббард 35 жасқа дейін ер адам болған, оның есімі Гэвин Хаббард болған екен.

Спортшы – 2017 жылғы әлем чемпионатының күміс жүлдегері. Хаббард 2015 жылы Халықаралық Олимпиада комитеті ережесін өзгерткенде және тестостерон деңгейі белгілі бір шектен төмен болған жағдайда трансгендерлік спортшыларға жарысқа қатысуға рұқсат бергенде Олимпиадаға қатысу құқығын жеңіп алды.

Алайда, кейбір сыншылар оның Олимпиадаға қатысуын әйел спортшыларға қатысты әділетсіз деп санайды. Олар ер адам ретінде жыныстық жетілуден өткендердің биологиялық артықшылықтарын көрсетеді, яғни оларда сүйек пен бұлшықеттің тығыздығы жоғары.