Коронавирус пен пневмониядан бір тәулікте 114 адам көз жұмды

Қазақстанда коронавирус пен пневмониядан бір тәулікте 114 адам көз жұмды деп хабарлайды денсаулық сақтау министрлігі.

Өткен тәулікте елімізде коронавирустан 93 адам, пневмониядан 21 адам қайтыс болды.

2 қыркүйектегі мәлімет бойынша, 104 835 адам, олардың ішінде 22 388 пациент стационарда, 82 447 науқас амбулаториялық деңгейде ем қабылдап жатыр.

Науқастар арасында 1 590 адамның жағдайы ауыр, 479 пациенттің жағдайы өте ауыр деп бағаланған. 226 науқас жасанды тыныс алу аппаратына қосылған.

Пандемия басталғалы Қазақстанда 798 671 адам коронавирус жұқтырды, 9 495 адам қайтыс болды.

70 250 адам пневмонияға шалдықты, 4 485 адам қайтыс болды.