Ақпарат және қоғамдық даму министрлігі дін істері комитетінің басшысы Ержан Нукежанов орталық коммуникациялар қызметінде өткен онлайн брифингте қазақстандық мектептерде хиджаб кию мәселесіне қатысты пікір білдірді деп хабарлайды KAZ.NUR.KZ.
БАҚ өкілдері Нукежановқа кейбір діни ағымдарды ұстанатын қыздардың ата-аналары хиджабты "кимешек" деп атап, мектептерді қоршауға алғанын айтты. Мектеп директорлары осы бір жағдайға шағымданған.
Журналистер осы жағдайға қатысты комитеттің пікірін сұрады.
Нүкежанов жауап ретінде Білім және ғылым министрлігінің 2016 жылғы бұйрығын еске салды, оған сәйкес мектептердегі балалар мектеп формасын киюі керек.
"Білім министрінің бұйрығына сәйкес, мектеп формасына қойылатын талаптар бар, білім беру стандарты бар, біздің елдің азаматтары бұл бұйрықты және жалпы алғанда, біздің еліміздің заңдарын орындауы тиіс", – деді спикер.
Кейінірек ол мектеп формасына қойылатын талап меншік нысанына қарамастан Қазақстанның барлық мектептеріне қатысты екенін қосты.
"Бұл бұйрықта жекеменшік немесе мемлекеттік мектеп болсын, мектепте оқитындардың барлығы Білім және ғылым министрінің бұйрығын, "Діни бірлестіктер туралы" Заңды және біздің еліміздің конституциясын сақтауы тиіс екендігі нақты көрсетілген.
Барлық мектептерге арналған бірегей стандарт бар.
Егер сізде заң бұзушылық фактілері болса, аймақтардағы білім басқармаларына, бізге немесе Білім және ғылым министрлігіне хабарласа аласыз. Егер нақты жағдай болса, біз бәрін қарастыруға және өз заңымыздың сақталуын қамтамасыз етуге дайынбыз", – деп қорытындылады Дін істері комитетінің басшысы Ержан Нукежанов.
Мақаланың түпнұсқасы: https://kaz.nur.kz/society/1930832-qazaqstan-mektepteriede-xidzab-kiyuge-bola-ma/
