RU

Жаңбыр, найзағай, желдің күшеюі: Синоптиктер бүгінгі күнге ауа райы болжамын ұсынды

Жауын
Көрнекі фото: wallpapertip.com

"Қазгидромет" РМК синоптиктері Қазақстан аймақтарында 8 қыркүйекте болатын ерекше метеорологиялық құбылыстарға болжау консультациясын назарға ұсынды.

Атмосфералық фронталды бөліктердің өтуіне байланысты еліміздің солтүстік-батысында, солтүстік, шығыс, оңтүстік және орталығында жаңбыр, найзағай, желдің күшеюі, Ақмола облысының орталығында қатты жаңбыр күтіледі. Казақстанның қалған аумағында антициклон жотасының әсерімен жауын-шашынсыз ауа райы күтіледі. Республиканың солтүстік-батысында және солтүстігінде тұман, солтүстік, шығыс және орталығында бұршақ болуы ықтимал.

Ақмола облысының солтүстігі мен орталығында тұман, бұршақ күтіледі, батыс және оңтүстік-шығысында желдің күші 15-20 м/c, күндіз оңтүстік-шығыста кей уақытта екпіні 25 м/с болады.

Қостанай облысының солтүстік, шығыс және оңтүстік-шығысында найзағай, түнде және таңертең шығыста тұман күтіледі, облыстың оңтүстігінде жел 15-20 м/с дейін күшейеді.

Күндіз Шығыс Қазақстан облысының солтүстік-батысында найзағай, бұршақ, дауыл күтіліп, найзағай кезінде жел 15-20 м/с дейін күшейеді. Қарағанды облысының батыс және солтүстігінде найзағай, күндіз солтүстігінде бұршақ, батыс, солтүстік және орталығында желдің 15-20 м/с дейін күшеюі күтіледі.

Солтүстік Қазақстан облысының оңтүстігінде, батысында найзағай, түнде облыстың солтүстік-шығысында тұман күтіледі. Күндіз Павлодар облысында жел күшейеді, күші 15-20 м/с, солтүстік және оңтүстігінде екпіні 23 м/с болады.

Түнде Қызылорда облысының солтүстік-батысында найзағай жарқылдап, желдің 15-20 м/с дейін күшеюі күтіледі. Таңертең және күндіз Түркістан облысында жел 15-20 м/с дейін күшейіп, таулы аудандарда екпіні 25 м/с болады, облыстың солтүстігі және батысында шаңды дауыл болады.

Түнде Батыс Қазақстан, Солтүстік Қазақстан облыстарының солтүстігінде, Ақтобе, Қостанай облыстарының солтүстігі және шығысында топырақ бетінде 2 градус үсік күтіледі.

Алматы, Жамбыл, Түркістан, Қызылорда, Маңғыстау, Атырау, Ақтөбе, Қостанай облыстарының басым бөлігінде, Батыс Қазақстан облысының солтүстік-шығыс және оңтүстігінде, Қарағанды облысының батысында, Ақмола облысының солтүстік-батысында және оңтүстігінде, Павлодар облысының орталығында, Шығыс Қазақстан облысының оңтүстік және оңтүстік-шығысында төтенше өрт қаупі сақталады.

Мақаланың түпнұсқасы: https://kaz.nur.kz/society/1930939-zanbyr-naizagai-zeldin-kuseyui-sinoptikter-bugingi-kunge-aua-raiy-bolzamyn-usyndy/